3304/2024-2025
Champhai, 30th November 2024: Champhai District Education Office leh Mizoram Pollution Control Board tangkawp te chuan kum danga an lo tih tawh ṭhin angin National Pollution Control Day 2024 chu December ni 2, 2024(Thawhtanni) khian ram chhung hmun dangte rualin an hmang dawn a. He ni denchhen hian Champhai khawpuiah pawh 'Mass Plogger Fun Run' neih tur a ni. He hunah hian Champhai khawpui chhunga Eco Club hrang hrang te chuan an sikul aṭangin Circuit House an pan ang a. An kalkawngah bawlhhlawh chhar fai pahin, National Pollution Control Day kaihhnawih thuziak an tar chhuak bawk ang.
Eco-Club tel tur te leh an kawng zawh dan tur hetiang hi a ni:
1. Champhai Higher Secondary School -School atangin Selluaia Traffic Point-ah rawn chhuakin Circuit House an pan ang.
2. Champhai 'S' Higher Secondary School - Electric veng-ah rawn chhoin Electric veng bazar kawt atangin Circuit House an pan ang.
3. Einstein Higher Secondary School - School atangin Awmpui vengah an rawn phei ang a, State Bank Main Branch tualah lutin bawlhhlawh awmte an chhar ang a, chuta tangin Circuit House an pan ang.
4. Govt. R.Hranga High School- School atanga rawn chhoin Chalchung Runah, Circuit House-ah an rawn lut thla ang.
5. Bethel High School - School atangin Bethel kawn-ah, Main road-ah kalin Pu Vanbawia tual atangin Circuit House an lut ang.
6. Govt. Primary School-II, Champhai - An School atangin Circuit House an pan ang.
Chawhnu dar 02:00 ah Circuit House tualah National Pollution Control Day pual hian hun hman tur a ni.
