3931/2023-2024
Aizawl, the 23rd February, 2024: Mizoram State Sorkar Notification No.B.12021/10/04-TRP Dt.22.08.2008 leh Section 115 & 117 of MV Act 1988 in thuneihna a pek angin Sr. SP Traffic Pu Stephen Lalrinawma chuan Shri. Jagdeep Dhankhar, Hon'ble Vice President of India-in ni 26.02.2024 (Thawhtanni) ah Mizoram a lo tlawh dawn avangin a hnuaia mi ang hian thupek a chhuah.
Lengpui Airport to Mizoram University; Lengpui, Sihhmui, Sairang (Zero Point), Phunchawng, Rangvamual, Hunthar, Vaivakawn, Luangmual, Chawlhhmun, Tuivamit, Sakawrtuichhun, Tanhril huam chhung kawngpui dungahte ni 26.02.2024 (Thawhtanni) zing Dar 07:30 atanga chawhnu Dar 01:00 inkarah Hon'ble Vice President of India chetvelna tibahlah thei turin lirthei, bungrua leh thildang engmah dah phal a ni lo. Sr. SP Traffic chuan lirtheia vievak thinte chu hriatlohna avanga buaina an tawh loh nan leh tul lova hun an sen thlawn loh nan lo inhmakhua a, pumpelh dan kawng zawng turin a ngen a ni.
Tin, ni 26.2.2024 (Thawhtanni) zing Dar 08:00 atanga chawhnu Dar 01:00 inkarah Hon'ble Vice President of India chetvelnaah buaina a awm loh nan lirthei lianchi (HMV, MMV) te Thuampui leh Sairang inkarah chetchhuah phal a ni lo.
A chunga tarlan kawngpui dunga lirthei chhia emaw bungrua emaw kawng dala awmte chu Traffic Control Room-ah (Ph 0389-2313061/9366553559) report tur a ni a. In report lote chu hnuhsawn/dahsawn sak an ni ang.
