No.3955/2021-2022

Aizawl 10^th February 2022: Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act 1988-in Sr Superintendent, Traffic, Pu Rodingliana Chawngthu thuneihna a pek ang leh Zarkawt Local Council, PWD, Aizawl Road North Sub-Division-I te nena inberawnin a hnuai ami ang hian lirthei tlan dan tur thupek a chhuah.

PWD, Aizawl Road North Sub-Division-I te’n Ni 11.2.2022 (Zirtawpni) atang hian Zarkawt Kawn leh Chief Minister Office inkar kawng siamthat hna an thawh dawn avangin hnathawh hun chhungin helai kawng hi khar/block a ni dawn a. Chuvangin, Zarkawt Kawn atanga Zarkawt Biakin lam kalturte chu Zarkawt Tlang panna kawng pakhat zawk; Pu Sangzuala Road-ah kal tur a ni. Zarkawt Biakin atangin Zarkawt kawn lamah a tlan thlak theih dawn loh avangin Chanmari lamah hel tur a ni.   

He thupek hian hna thawh zawh a nih hma chu a huam ang. Chhiatrupna thil, kangmei leh emergency kaihhnawiha duty, dan leh thupek pawimawh bika Police leh Magistrate duty-te chetvelna a huam lo ang.