No.4106/2021-2022
Aizawl, 25th Febuary, 2022: Sialkal Range Development Council (SRDC) Rest House, Hrianghmun khua a sak thar chu vawiin khan Pu Ngulzathuama MCS, Development Officer, SRDC in a hawng.

Hawnna hunah Pu Ngulzathuama chuan thu sawiin SRDC vang hian hmasawnna tam tak kan hmu mek a, kan hmuh zel theih nan a huam chhunga cheng mipui te kan in lungrual thiam a ngai tak zet a, SRDC kaltlanga Mizoram sawrkarin thil tam tak min tihsak te hi kan ta a ni a, vawiina kan hawn Rest House leh a dang tam takte hi duat taka kan enkawl zui a ngai a ni a ti.

Chief Minister Pu Zoramthanga duhsakna SRDC in kan dawng nasa hle a; kan Budget pawh nasa takin min tihpunsak a; Aizawl a Cell Office min pek te; SRDC area chhunga cheng Zirlaite awmna tur Hostel, Luangmual, Aizawl-a sak mek te; SRDC area a hmasawnna hna tam tak kan thawhte hi lawmna chang kan hriat a tul a ni, a ti bawk.

SRDC Chairman Pu L Thangmawia MLA rem hriatna leh inpekna vanga SRDC in hnathawk thei a nih thu leh mipui tan tangkai lehzual tur a her rem chhoh zel a nih dan te, SRDC in hmasawnna kawng hrang hrang a thlen mek hi a hmutu leh hretute vek kan ni a ti.

He hunah hian Pu H. Lalrokima JE, BDO Office, Ngopa in technical report a pe a, Pu Khenzakhup, VCP Hrianghmun in kaihruai in Pu Thawngzakhup, VC Secretary in lawmthu sawi in hun a khar a ni.