No.4107/2021-2022
Aizawl the 25th February,2022: Vawiin chawhma dar 11:00am khan DRDA's District Rural Resource Centre, Siaha-ah Pu Lalsangliana, District Bawrhsap leh Head of Office ten inkawmhona hun an hmang. 

He inkawmhona hun hi amah DC Pu Lalsangliana'n kaihruai nghalin, inkawmhona programme buatsaih a nih chhan sawiin, Pu Lalsangliana chuan DC office hi District-ah chuan Administration kenkawhna kawnga a fatu chanchang ni mah ila, Department hrang hrang te thawhpuina tel lo chuan engmah kan ti thei lo. Chuvangin thawhhona tha nei tur chuan kei DC leh Head of Office te hi kan inhmelhriat that a, kan innel a ngai a, chumi atan chuan vawiin programme hi buatsaih a ni. Kan hmalawkah pawh MADC Election kan hmachhawn dawn a, DC office hian in thawhpuina leh tawiawmna kan mamawh leh hle dawn a ni. Sawrkar hnathawk kan ni a, Sawrkarin min dahna apiangah thuawih taka awma, kan ko va mawhphurhna theuh hi theihtawp chhuahin hlen i tum theuh ang u. Kei pawh MCS officer anga kum 24 ka lo thawh chhung hian kum 17 chu Aizawl district pawnah ka awm a, Kum 14 chhungin DC office-ah MCS hna hrang hrang chu ka chelh kim vek tawh a ni.DC charge la in thla 6 Serchhip district ah ka lo awm tawh bawk a, DC office a ka luh leh hi ka lo ring chiah tawh lo, mahse Siaha DC tura min lo dah hian thuawih takin ka lo kal leh a ni, a ti.

Ka tih thei vek thil ni lo mahse, in harsatna te min hrilh hreh lo u la,theitawp kan chhuah ho zel dawn ni. Thu rawn min pek leh min fiahchhuah ngaihna thilah pawh inthlahrung lo turin ka chah duh bawk che u. Hun thawl ka nei ve leh in office tinah ka lo tlawh vek ang che u, a ti bawk.

Head of Office tin ten inhmelhriattirna hun hmangin, an depatment theuh hmalakna leh hmachhawp te leh an harsatna neih ang ang te chu DC hnenah hian an thlen nghal bawk a ni.

Pu VL Lura,SP leh Pu Abraham Beirazi Khithie,Addl.DC te pawhin thu sawina hun an hmang bawk.

Attachment

  • Loading attachment...