Vawiin hian Pu Lalsawta, Education Minister ho in Directorate Of School Education Conference Hall-ah SSA leh RMSA half yearly review meeting neih a ni.
He meeting Pu P.Lalchhuanga,I.A.S Director,School Education kaihhruaiah hian Pu Lalsawta chuan half yearly review meeting neih chu tha a tih thu sawiin, Adhoc aided leh deficit school a SSA leh RMSA zirtirtu an awm leh nawlh thin chu pawi a tih thu sawiin heng zirtirtute hi la let tura hma la turin department hotute a chah a. Zirtirtute leh Education department te chu an hna mai bakah election leh census thila hman tangkai ber an ni chu hman tlak an nih zia ti lang tu a ni tiin, tha taka hna thawk chhunzawm zel turin a chah a. District a harsatna an tawh te sutkian a nih theih nan Field Officer ten proposal siam thin turin a chah bawk.
He meeting-ah hian District hrang hrang D.E.O, SSA leh RMSA a DPC leh Deputy DPC te an kal kim hle a. District hrang hrang a an hmalakna leh harsatna an tawh te sawi in, sawrkar hmalak mek nate an ho a ni a. School enkawl dan endik (monitoring,supervision leh inspection) neih dan tur leh neih that a pawimawh zia sawi a ni bawk.
