SSA leh RMSA hlawh lak mumal loh chungchang a School Education Department thuchhuah :

SSA leh RMSA hnuaia thawk zirtirtuten hlawh lak tur an neih that theih loh chungchangah School Education Department chuan theihtawp a chhuah mek.

SSA-ah hian November 30, 2016 dinhmunah chuan Govt of India atangin cheng vaibelchhe 37.06 hmuh a ni tawh a, Mizoram sorkar atangin vaibelchhe 6.13 dawn a ni tawh bawk a, tunah hian state matching share vaibelchhe 1.6 pawh state sorkar-in a pe leh tawh a. RMSA-ah pawh Govt of India atangin vaibelchhe 19.16 hmuh tawh a ni a, Mizoram sorkar atangin vaibelchhe 1.32 dawn a ni tawh a. RMSA ah hian matching share vaibelchhe 1.59 state sorkar-in a pe leh tawh bawk. Central atanga sum hmuh ang ang chu Mizoram sorkar hian a khinglet thei nghal zel a, Planning leh Finance Department pawhin theih tawp an chhuah nghal zel a ni. Tunah hian 2nd instalment pawh central-ah dil mek a ni.

School Education Department-a SSA a thawk zirtirtute hlawh atan hian thla khatah cheng nuai 850 mamawh a ni a, RMSA a thawk te tan nuai 250 mamawh a ni bawk. Sorkar laipui atanga SSA atana sum hmuh hian thla 4 hlawh bak a daih lova, RMSA atana sum hmuh hian thla 6 hlawh bak a daih rih lo bawk. Sum hmuh zawng zawng hi hlawh atana hman theih a ni lova, civil works leh hna dang atan engemawzat chu dah a ngai bawk.

Sorkar laipui hian kumin 2016-17 kum kal lai atan India ram puma SSA kalpui nan cheng vaibelchhe 47,200/- a mamawh a, chutih laia budget-a a dah theih chu vaibelchhe 22,500/- chauh a ni a, hei hi India ram puma SSA sum mamawh atanga chhutin zaa 47 vel chauh a ni a, Central-in Budget-a sum a dah tlem avang hian sum lo kal pawh a tlem a, hei hian thawktute hlawh thlengin a nghawng lo thei lo a ni.

Hetiang hi thil awm dan ni mah se, Mizoram sorkar chuan theih tawp a chhuah zel a, New Delhi-ah Officer-te kalin nawr zui zel a ni.