Vawiin khan Mamit District chhunga SSA leh Tata Trust MFA te tangkawpin an buatsaih Grass Root Football Tournament chu Mamit District chhunga a vawikhatnan GSA Playground, Mamit-ah neih a ni.
He tournament ah hian mipa leh hmeichhia naupang atangin state level a Mamit District aiawh tur Primary section atangin team khat, middle section atangin team khat leh hmeichhe team khat thlan chhuah an ni dawn a, oct kartawp ah Aizawl-ah District ai an awh ang.
Mamit District ah hian Academy centre panga Mamit, kawrtethawveng, Kawrthah, Reiek leh W. Phaileng atangin naupang 250 enkawl an ni a, heta tang hian mipa leh hmeichhe naupang 195 te chu tournament ah hian an tel a ni.
Tournament hawnna hi vawiin dar 10:00 am khan GSA Playground ah neih a ni a, Pu Roluahpuia secretary MDFA chuan a kaihruai a, Pu Lairokhuma President MDFA chuan khuallian niin a hmanpui a ni.
