Vawiin khan Champhai DC Conference Hall-ah Governor reception Committee chu Champhai DC Conference Hall-ah Governor Pu Nirbhai Sharma'n October ni 12 a lehlang a Champhai a rawn kal hun a lo dawn sawn dan tur ngaihtuah in thutkhawm a ni.

He hun DC Vanlalngaihsaka kaihruaiah hian, Mizoram Governor in Champhai a rawn tlawh hun a, a hun hman dan tur tlangpui tarlan a ni a. A lo dawn sawn dan tur ngaihtuah a thutkhawmah hian mawhphurhna la tur Sorkar Department hrang hrangte chanvo leh mawhphurhna siamfel nghal a ni.

Mizoram Governor Pu Nirbhai Sharma hian October ni 12 chawhma lamah Helicopter hmangin Zokhawthar Field-ah atum ang a. Guard of Honour pek a nih hnuin Rihdil a pan zui nghal dawn a ni. Rihdil a kal zawh hnu hian Helicopter hmang vekin Champhai a panzui leh nghal ang a amah lo hmuahna hi Champhai Circuit House-ah neih tur niin, Guard of Honour pek anih hnuin Champhai District a Sorkar Department hotute Champhai Circuit House Conference Hall-ah a kawm zui nghal ang.

Hemi hnu hian Champhai CHANEM Building a Kendrya Vidalaya School leh Champhai Venglai a Private Hindi school (Class 4 to BA zirna hmun) a tlawh zui nghal bawk dawn a ni. Ruahman lawk dan chuan Governor hian hemi ni chawhnu vek hian Helicopter hmang in Champhai chhuahsan in Aizawl a pan ang.

Mizoram Governor hian a nupui leh a fate a rawn hruai dawn a. Amah lo dawnsawn dan turah Zokhawthar Field cheibawl turin M/s Tarmat Construction Company bakah Champhai PWD te ruat an ni.