Nimin tlai khan SSA & RMSA thuneitu sang ber dawttu Executive Committee Meeting vawi 27-na chu Chief Secretary Conference Hall-ah Chief Secretary Pu Van Hela Pachuau hova neih a ni.
He meeting hi Pu Van Hela Pachuau, Chief Secretary, Executive Committee Chairman ni bawk chuan kaihhruaiin meeting hmasa a thurel atanga hmalak tawhna te ngaihthlak a ni a, kum kalta a, SSA & RMSA hnathawh dan tarlanna Audited Statement of Accounts 2009-2010 chu pawm a nih bakah kumin 2011-2012 chhunga SSA & RMSA hmalakna tur chungchang thlirhona te neiin sawi hona hun tha tak neih a ni a. SSA & RMSA hnuaia hnathawkte inrelbawl dan (Guidelines for Engagement of Employees on Contract Basis under MEMS) siam chu thlir hona leh sawi hona neih a ni bawk. Hei bakah hian SSA hnuaia thawktute tana Central Six Pay zulzuia hnathawktute hlawh siam thar chu sawi hova pawm a ni bawk.
He meeting-ah hian Members te an tel tha hle a ni.
