3056/2023-2024

Khawzawl 15th. December, 2023 : Chief Medical Officer (CMO) Office Building, Khawzawl chu sak zawh a nih hnuah tun atanga hun reilote-ah Health & Family Welfare Department kutah hlan a ni dawn.

Vawiin khan CMO Building, Khawzawl a sak chungchangah Mizoram Health Systems Strengthening Project (MHSSP), Mizoram Project Director in a hriattir angin Stakeholder Consultation Meeting chu Meeting Hall, District Hospital, Khawzawlah neih a ni a. Consultation Meeting hi Dr. Laltanpuia Chhangte, Social Consultant, MHSSP chuan kaihruaiin Dr. Albert Lalhminghlua, senior Medical Officer, District Hospital, Khawzawlin MHSSP hnuaia hmalakna te tarlangin District Hospital, Khawzawl pawhin hma a sawn phah hle tih a sawi.

He hunah hian Pu Lalramsanga, Senior Civil Engineer, MHSSP in Technical Report pe in Khawzawl CMO Building hi sak zawh a nih tawh thu leh hun reilote-ah Health Department kutah hlan a ni dawn tih a sawi a. MHSS hnuaia Construction Activities hrang hrangah te Environment leh Social ngaih pawimawh thin a ni a ti a, harsatna hrang hrang veng thei lakah inven lawk a nih theihnan Plan uluk taka duan thin a nih thu leh Plan ang ni lova sak leh siam a awm chuan thiahtirin, Plan ang chiahin an siamthattir leh thin tih a sawi bawk.

Vawiin Stakeholder Consultation Meeting-ah hian Health Department Staff te bakah Sawrkar Department aiawhte, NGO aiawh te leh MJA aiawh te an tel a ni.