3055/2023-2024

University leh College-a Mizo subject zirtirtu inzawmkhawm pawl, 'Mizo Literature and Language Teachers' Academy (MILLTA)' chuan vawiin khan Govt.Aizawl North College-ah Inkhawmpui an hmang a, an inkhawmpui hi Pu R.Lallianzuala, Chairman, Mizo Language Development Board, Govt. of Mizoram chuan khual lian niin a hmanpui.

MILLTA inkhawmpui hi Pu Lalrammawia Ngente, Vice President chuan a kaihruaia, Dr.H.Laldinmawia, Secretary chuan report pe thung. Khual lian, Pu R.Lallianzuala chuan, Mizo Language Development Board ṭhutkhawm hmasa ber chuan, Mizo ṭawng tihhmasawnna atan Cell pathum - Grammar cell, Orthography cell leh Research and Documentation cell din an rawt tawh thu sawiin, Mizo A Aw B pawh tih danglan a ṭul theih tur thu a sawi a. Mizo ṭawng tihhmasawnna atan MILLTA chu pawl ṭangkai tak tur a nih thu sawiin thawhhopuiah a sawm nghal a ni.

Chawhnu lamah seminar buatsaih a ni a, Prof. C.Vanlalhruaia, President, MILLTA chuan a kaihruai a, seminar-ah hian 'Tunhnaia Mizo Literature Dinhmun : Harsatna leh Hmathlir' (Recent Trends of Mizo Literature : Problems and Prospects) tih thupui hmangin mithiam leh scholar ṭhahnem takin paper an preset a ni.

Report aṭanga a lan danin,MILLTA-ah hian member 119 an awm mek a. An inkhawmpui hi adviser pahnih - Prof. Laltluangliana Khiangte leh Prof. R.L. Thanmawia ten an hmanpui bawk a ni.

Inkhawmpuiah hian lehkhabu pahnih chu khual lianin a tlangzarh a.An member pahnih, Ph.D nei thar hnenah chawimawina an hlan a, member pahnih pension-a chhuak te an thlah bawk.