Vawiin khan New Secretariat Conference Hall ah Planning & Programme Implementation Department, Diretorate of Economics and Statistics buatsaih in Stakeholder Consultation Meeting on Strengthening of Official Data and Statistics chu Dr. C. Vanlalramsanga, Secretary, Planning Department kaihhruaina in neih a ni.
Dr. C. Vanlalramsanga chuan Mizoram Sawrkar hotuten outcome oriented evidence based policy kalpui tha an tih thu leh chumi atan chuan ‘Approached to Developing growth Strategies for Mizoram’ pawh 18th February 2015 khan Council of Ministers meeting in a pawm tawh thu a sawi a. Chuta a component pawimawh tak chu data leh statistics dik leh rintlak policy siam nan a hman theih a niin, hei hi Sawrkarin development hna a thawh tur ruahman nan te, a thawh dan vil nan te, leh a thawh hlawk dan hriat nan te a tul a, chumi atana hmalakna kal mekah chuan Planning Department in ‘approachpaper’ a siam thlirho tura mithiam bikte chu sawm an nih thu sawiin ‘approach paper’ siam anih dan leh approach paper kalzel dan tur atana tha nia rawtna an siam te sawiho tur a nih thu Secretary hian a sawi a. He initiative in a tum ber chu official data leh statistics quality nasa taka chawikan a ngaih avangin official data leh statistics te dik (accurate) anih theihnan te, rin tlak (realiable) anih theihnan te, a hun taka data hmuh theih (timeliness) anih nan te, leh policy duan nan a hmantlak (relevance) anih theihnan te framework mumal tak duan a nih thu a sawi bawk.
Sawihona uluk tak neih zui nghal niin meeting chuan sawrkar hmalakna chu lawmawm an tih thu leh hemi lam kawnga sawrkar hmalakna reng reng chak taka thlawp tlat an tum thu sawiin approach paper in hmalakna tur hlawm lian a tarlan chu a tlangpuiin tha an ti a. Hmalakna tur a chhawp chhuah tur zingah official data leh statistics rintlak nei tura national leh international standards thlir chunga kal nise tiin chumi kalpui thei tur chuan Department thuam chak leh heti lam kawnga inchher hriam (capacity building) pawh chak taka kalpui tha an ti tlang bawk. Data leh Statistics hmang tangkai a evidence based policy kalpui tura sawrkar a inpuahchah chu lawmawm an tiin, hemi atan hian Departments hrang hrang thuneitute sensitization kalpui a that an rin thu leh Researcher ten an hman tangkai theih turin Data Resource Centre neih a tul an ti hle a, mipui hnenah data leh statistics dik leh tha neih a pawimawh thuah awareness campaign zau taka neih nise tiin rawtna an siam bawk.
He meetingah hian mithiam sawm bik university professors te, college professors te, ziaktu lar te bakah pawl hrang hrang - Mizoram Economics Association, Mizoram Academic Forum, Mizo Research Scholars’ Association, Mizoram Institute of Advanced Studies, MPE&SS Association, MESSA, Census Operation, MJA, Central YMA, MZP, MSU, PRISM, SOSA aiawh te an kal khawm tha hie a ni. Pu Vanlalrema, Director, Economics and Statistics bakah Planning Department officials te an kal khawm bawk a ni.
Heng mithiamte rawtna hrang hrang hi a remchan dan ang zelin approach paper-ah hian rem luh anih hnuah final paper hi Chief Secretary hovin Mizoram Sawrkar Heads of Departments te kokhawmin sawiho a ni ang.
