Nimin khan Lai Autonomous District Council inthlanna a Polling Party a duty turten Lawngtlai DC Conference Hall ah vote an thlak chhunzawm leh a, tlai lam dar 4 thleng khan vote 231 a tla tawh a ni.

Tun thla ni 26 a LADC General Election vawi 10 na inthlan lo awm tur atan hian inbuatsaihna tluang taka kalpui chhoh zel a ni a, duty turte pawh training pek chhoh zel an ni. District Election Officer Pu J. Hmingthanmawia chuan Sector Officer tur pawh a ruat fela; chungte chu Pu Vanlaltanpuia, BDO Sangau, Pu Lalremruata Sailo SDC, Pu Lallawmawma, SDO Sadaar, Pi ST Lalvensangi, SDC, Pu Ralzidinga, BDO Chawngte, Pu Lalremruata Kullai, BDO Bungtlang South leh Pu Misael, BDO Lawngtlaite an ni. Heng Sector Officer te hian vote thlak niah an huam chhunga khaw remchang berah duty in Electronic Voting Machine thlak ngai palh leh thil dang harstna awm palh thei atan an inralring nghal ang.

Lai Autonomous District Council ah hian MDC Elect Seat 25 a awm a, Polling Station 103 awmin vote thlak thei mihring 45,757 an awm a. Nimin leh vawiina Polling Party a tel tur vote thlak mekte hi heng Polling Station hrang hranga kalchhuak turte hi an ni.