Vawiin chawhnu dar 1 : 00 khan State Apex Level Co-ordination Committee on Drugs chu Chief Secretary Pi L.Tochhawng kaihhruaina hnuaiah Chief Secretary Office-ah an thukhawm.

Meeting hi Chairman, Pi L.Tochhawng, Chief Secretary chuan kaihruaiin Secretary, Pu Lalhmunsanga, Commissioner of Excise & Narcotics chuan report a pe a. He meeting pawimawhah hian tunlaia Mizoram chhunga ruihhlo leh a kaihhnawih thil chi hrang hrang lo lut leh kaltlang thin chungchanga Dan kenkawh dan tur an ngaihtuah hova, Khirh zawka hmalak dan tur an sawi ho nghal bawk. Mizoram Excise & Narcotics Department, Mizoram Police leh Organisation dangte thawhho dan tur tha pawh an ngaihtuah a, Bairabi-a Excise & Narcotics Chaeck Gate a rang lama dah dan tur chungchangte pawh an sawi ho bawk.