Vawiin khan I&PR Auditorium, CHANEM Building ah Champhai a Sawrkar Department hrang hrang DDO te tan Cashless/Digital Payments Workshop neih a ni.

Workshop ah hian Digital India Scheme hnuaia pawisa Note hmanna tihtlem tumna kal zel a tana lo in buatsaihna zir ho a ni a. Internet leh Mobile Phone Software Applications hmanga pawisa khawih chet (transactions) dan zirtirna pek a ni bawk . Hemi bakah hian DDO te hriat a tana pawimawh Department te tan Current Account hawn chungchang, PAN Card leh Bank Account thlunzawm pawimawhna te pawh sawiho a ni a. Bank Account chungchanga hriatthiam lohna nei te tan zawhna leh chhanna hun hman nghal niin DDO kalkhawm te chuan hlawkthlak an ti hle. Workshop chu huap zau zawka Sawrkar Department Staff te leh mipui te tana buatsaih zel theih ni se tha an tih thu kalkhawm te chuan an tarlang a ni.

Workshop ah hian Bank hrang hranga mithiam Pu Lalhminghluna Branch Manager, SBI, Champhai; Pu C.Lalthanpuia, Branch Manager, Mizoram Co-Operative Apex Bank, Champhai; PU ST Lalnunmawia, Branch Manager, IDBI, Champhai leh Pi Lynn Lianzikpuii Pachuau, Branch Manager, HDFC Bank, Champhai ten zirtirna pe in Champhai a Sawrkar Department DDO te chu an tel tha hle a ni.

Attachment

  • Loading attachment...