State Biodiversity Board, Mizoram chu vawiin khan an Chairman Pu Lalrinmawia Ralte, Environment & Forests Minister hovin Principal Chief Conservator of Forests (PCCF) Conference Room-ah an thukhawm.

Minister kaihhruaina hnuaia meeting-ah hian Addl.PCCF Pu Rosiama Vanchhawng chuan member-te lawmna thu a sawi a. Mizoram State Biodiversity Board Member Secretary Pu Liandawla chuan an thurel tlangpui sawihawnna hun a hman hnuah agenda 14 an ngaihtuah a ni.

Meeting-ah hian Mizoram chhunga Biodiversity Management Committees (BMC) 221 awm sa chu an term a lo tawp tak avangin thiata BMC thar 15 atanga 20 inkar din an rawt a. Hei hi a ram lei lung ecological zone mila then tur a ni. Reiek, Lungkulh, Palak leh Sairep chu Biodiversity Heritage Site thar atan an rawt bawk. Mizoram chhunga thil nung chi hrang hrang flora and fauna chhinchhiah te, mau leh mautuai seng (harvest) dan mumal zawk siam te, bak leh sava chi hrang hrang a rem loh nan thinga siam sava bu (wooden nest box) siam te an rel a ni.

Mizoram hmun hrang hrangah thing leh mau, ransa leh rannung, sangha leh savate humhalhna turin reserve area engemawzat siam a ni a. Mi tam takin heng hmunah te hian ngaw chu thiat kher lo mahse a nachang kan hriat loh avangin ransa leh rannung te tibuai turin bengchheng siam te, chawlhbuk leh vantlang tana lenvahna tur hmun siam kan ching te hian nasa takin heng ngaw chhunga nungcha te hi a nghawng a. Kan rama khuanu kut chhuak lui leh dil (natural lake) te pawh khawih dang lam chuang lova a nih ang anga kan humhalh thiam a tul a ni tiin hemi chungchangah hian Zoram mipuite kan thanharh a tul tawh hle niin State Biodiveristy Board chuan a hria a ni.

Meeting-ah hian Environment & Forests Department, Mizoram University, Agriculture, Horticulture, Tourism, AH & Vety leh Pachhunga University College bakah mimal expert member-te an tel.