Vawiin hian Director Sports & Youth Services Office chamber-ah Pu Lalzirmawia Chhangte, Director Sports & Youth Services chu Mizoram Bharat Scouts & Guides State Chief Commissioner atan lak luh a ni.

He lak luhna inkhawm (induction ceremony) hi Rev. Dr. C.L. Hminga, Vice President Mizoram Bharat Scouts & Guides in a kaihruai a, Bharat Scouts & Guides Flag chelh chungin Pu Lalzirmawia Chhangte chu thutiam (Scout Promise) neih tir a ni a. Member puitling a ni tih entir nan Scout Membership Badge, Scarf leh Berret Cap te hlan a ni. He induction ceremony-ah hian Pu Lalzirmawia Chhangte chuan duhsakna sang tak a chan avanga lawmthu sawiin, thawh ho na tha tak an neih theih a beisei thu leh hun remchang hmasaberah basic course for Commissioner training buatsaih a nih tur thu a sawi bawk.

Pu Lalzirmawia Chhangte hi State Council Meeting, Chief Minister’s Bungalow-a neih ah State Chief Commissioner atan chuhtu awm lova thlan tlin a ni a, State Council term hi kum thum (2013-2015) chhung a ni ang.

Induction Ceremony-ah hian Commissioner thahnem tak an tel a ni.