Mizoram State Commission for Women Chairman Pi Lallawmchhungi chuan thuchhuah siamin tunhnaia Suangpuilawna hmeichhia rawng taka thah a ni chu a dem thu leh pawi a tihzia a sawi.

Pi Hmingthanzuali, kum 52 d/o Lalrinmawia (L), Suangpuilawn chu August ni 3, 2019 khan ama khum ngeiah thichhawnga hmuh a ni a. Suangpuilawn damdawi in panpui a nih hnuah Aizawl Civil Hospital panpui tura tih ni lehin hospital an thlenpui nain an thlen hma hian a thi tawh nia ngaih a ni. Pawi khawihtu nia rinhleh police ten an man tak Laldinpuia, kum 25, s/o Rohlua, Suangpuilawn chuan Police hmaah ama tih niin a sawi a. Pi Hmingthanzuali a vuakna thing pawh a thuhrukna nia a sawi atangin lakchhuah tawh a ni tih State Commission for Women thuchhuahah hian tarlan a ni.

State Commission for Women  chuan hmeichhe chaklo leh awmnem zawk hetianga rawng taka thah a ni hi pawi a tiin a dem takzet a. Tualthattu nia rinhlelh Laldinpuia hi Dan hmanga a na thei ang bera a chungah rorelsak turin Mizoram State Commission for Women chuan thuneitute a ngen a, a tul angin hma an la chhunzawm zel dawn tih an thuchhuahah hian an ziak a ni.