Kan hma lawka Local Council  By-Election, Aizawl Municipal Area II/1 Chaltlang, IX/3 Chhinga Veng leh XIII/3 Kanan Veng Local Council, 2019 lo awm turah boruak muanawm tak a awm theih nan a hnuai a mi ang hian Sub-Divisional Magistrate, Aizawl District chuan thupek a chhuah.

II/1 Chaltlang, IX/3 Chhinga Veng leh XIII/3 Kanan Veng Local Council huamchhungah mi tumahin Sub-Divisional Magistrate emaw District Magistrate phalna nei lovin khawiah mah silai leh puak thei thil dang an keng chhuakin an hmang tur a nih lo a. Zu leh ruihtheih thil dang reng reng zuarin an rui tur a ni lo. Silai leh puak thei thil khuahkhirhna thupek hian Police, Armed Forces leh Sub-Divisional Magistrate emaw, District Magistrate in emaw phalna a pekte chu a huam lovang.

He thupek hian chhuah a nih atanga thlahnih chhung a huam ang a. Thupek bawhchhia an awm chuan an chungah dan anga hremna lek a ni ang.