No.1137/2020-2021
Lawngtlai, Tomir thla ni 16, 2020: Tunlaia COVID-19 hri leng mek hi state dang atanga Lawngtlai District chhunga essential commodity/bungraw rawn phur luttute hnen atanga inkai chhawn palh awm thei a nih avangin Lawngtlai Additional District Magistrate Pu K. Laltlawmlova, MCS chuan CrPC section 144-na tlawh chhanin a hnuaia mi ang hian ni 14.05.2020 khan thupek a chhuah.
1. State dang atanga essential commodity/bungraw rawn phur luttu reng reng zan riah phal a ni lo.
2. Backload/passenger lak phal a ni lo.
3. Driver-te'n mamawh lei tur an neih chuan veng chhung VLTF an hriattir hmasa tur a ni.
4. Bungraw rawn phurtute'n an unload-na tur veng chhung VLTF-te hnenah an in-report hmasa tur a ni.
5. VLTF-te hriatpuina tel lovin bungrua an unload tur a ni lo.
He thupek hian thu leh awm hma zawng a huam ang a. A zawm lote chu IPC section 188-na hmanga hrem an ni ang.
