No.1137/2020-2021

Aizawl the 16th May, 2020: Tukin khan Tamil Nadu state atanga COVID-19  hrileng avanga rawn haw zinga mi 20 te chuan Khawzawl an raw  thleng a, tihtur tulte tih zawh a nih hnuah khung hranna tura hmun ruat sa ah dah luh nghal an ni.

Khawzawl rawn thlengte hi mipa 11 leh hmeichhia 9 an ni a. Addl. DC, Zonal Officers te leh Medical team te'n lo dawng sawng in an rawn thlen veleh hian an chanchin kimchang (An lo kalna state, an hnathawh, ni 28 chhunga an vahvelna, etc.) declaration siamin hming an sign vek a, an khua a sik leh sik loh ensak an nih bakah Rapid Antibody Test tih vek an ni a, an vai hian an non-reactive (negative) vek a, an hriselna pawh a tha vek rih a ni.

Tihtur tul tih zawh a nih hnu hian Mipa 11 te chu KVK Farmers' Hostel, Kawnzar vengah dah luh an ni a, hmeichhia 9 te chu Residential Special Training Centre, Zuchhip vengah dahluh an ni bawk.