N0.1136/2020-2021

Kan zavaia kan him tlanna turin ram pawn atanga Mizorama lo haw te leh state chhunga awm sa khunghran (Quarantine) ngaite hriat leh zawm tur duan a ni a, Khunghran (Quarantine) a awmte a hnuaia tarlante hi uluk takin an zawm tur a ni : -

1. Quarantine hun rei zawng hi chawlhkar li (4) niin hetiang hian hun hman tur a  ni.

2. Sorkar leh Kohhran hmuna chawlhkar hnih chhung Quarantine a awmte chu mahni in theuhvah haw in a chawlh karthumna chu Home Quarantine kherkhiap leh strict takin an kalpui tur a ni.

Hemi chhung hian chhungkaw member dangte nen ei leh in leh thildangah hmanrua leh thawmhnawte intawm loh tur a  ni a, Social distancing chhungkua-ah tha taka tih tur a ni.

3. In lama Quarantine chawlhkar hnuhnung ber erawh chu zangkhai taka kalpuiin mahni in chik leh in ngaihven chunga  self-monitoring atana hmantur a  ni.

Home Quarantine chhung hian chhungkaw member zawng zawngte mawhphurhna a sang a; an chhungkua leh khawtlang himna an kutah a awm tih hria in chungkua-ah Social Distancing uar taka kalpui tura beisei an ni.

Sorkar leh Kohhran hmun (quarantine facilities) atanga in lama phur haw tu motor khalhtute hi a hranpa a Quarantine an tul loh avangin harsatna siam sak loh tur a ni.

Sorkar leh Kohhran hmun Quarantine hun hmang zo tawh, mahni in lama haw turte chuan mahni awmna veng Local Task Force –te be hmasa in an remruatna fel tak hnuaiah mahni in a haw tur a  ni.

Mahni in lama Quarantine neih chhunga in sawiselna nei te chuan Telephone No.102 bakah 0389-2323336 / 0389- 2322336/ 0389-2318336 ah te in report tur a ni.