No.1009/2020-2020

Dr. Lalzirmawia Chhangte, IAS, Serchhip District Bawrhsap chuan state dang atanga lo haw turte tan hetiang hian hriattirna a ti chhuak.

State pawn atangin Mizoramah mi an lo haw thin a. Hetianga lo hawte hi COVID-19 laka mipuite kan him theih nan fimkhur thuah khawi dang mah tlawh hmasa loa Sawrkar ruat quarantine centre-a khung nghalin an hriselna dinhmun ngun taka endik tur a ni a. Hetih lai hian chutianga State dang atanga lo hawte’n quarantine centre-a awm lova mahni in emaw mahni duhna hmuna tawm an awm chuan mipui tan a him loh theih avangin kan hriat ang ang rang taka thuneitute hnena report nghal thin turin kan in ngen e.