4554/2025-2026

Dated Hnahthial, the 20th February, 2026: Vawiin Mizoram State Day pual in Mizoram sorkar chuan Mizoram chhungah State Day of Prayer hmangin Hnahthial-ah pawh Hnahthial Kohhran Joint Committee (HKJC) bultumin BCM Biak In Bazar-ah, dar 11:00 atangin hun hman a ni a. Kumin State Day of Prayer thupui atan "I din thar leh ang u," (Neh. 2:17) tih hman a ni. Hnahthial-ah hian chawng hniha hun hman niin tawngtai hona hun tum li hman a ni.

Hun khatna hi Rev. RK Vanlalrawna (SDA) chuan kaihruaiin  Sorkar lam atangin Hnahthial SDC, Pu R. Vanlalruata'n thusawina hun tawi a hmang a. Zaipawl an zai hnuah Rev. T. Lalawia chuan tawngtai thupui a sawi hawng. Tawngtai thupui atana chawpchhuah - "I din thar leh ang u" tih hmanga tawngtaina hun hman niin tawngtai kaihhruaitu atan Ram roreltu (Minister/MLA/ADC) ten Pathian tihna nen ro an rel a, ram an kaihhruai zel theih nan tih te; Sawrkar hna thawkten dik leh taima taka hna an thawh theih nan leh vantlang nunah Isua Krista ringtu kan nihna kan lan chhuah tir zel theih nan tih te hman a ni.

Tawngtai vawi hnihna thupui atan - "Ruihhlo laka kan ram a lo fihlim theih nan" tih thlan niin tawngtai kaihruaitu atan Ruihhlo in a tihbuai ten simna an neih theih nan te, Ruihhlo zuartuten thil tha lo an zuar a ni tih an hriata an lo sim theih nan leh ruihhlo tawlhna kawnga inhnamhnawih zawng zawngten an sim theih nan te a tawngtai a ni.

Session hnihna hi  Rev. T. Vanlalremruata’n a kaihruai a, zaihona hun hman a nih hnuah Capt. PC. Hmangaihsangzula'n tawngtai thupui a hawng.

Tawpna hun hi Rev. Zonunsanga, PCI Hnahthial Pastor bialtu kaihhruaiin neih a ni.