2357/2024-2025

Dated Aizawl, the 3rd October 2024: Vawiin chhun dar 12:00 khan Mizoram State Election Commissioner Dr. H. Lalthlangliana chuan a Pisa-ah Sinlung Hills Council inthlan November ni 5, 2024 a neih tur leh hemi ruala Model Code of Conduct hman tan nghal a nih thu a puang a. Pu K. Laldingliana, Secretary to the State Election Commission, Mizoram chuan inthlan kaihhnawiha hriattur pawimawhte a sawifiah a ni.

State Election Commision chuan inthlanna felfai leh muanawm tak kan neih theih nan inthlanna buaipuitu Official-te, Political Party-te, Media, NGO-te leh Sinlung Hills Council chhunga mipuite tawiawmna  a ngen a. Mipui duhthlanna kal tlanga Sinlung Hills Council inrelbawlna tha tak kan neih theih nana theih tawp chhuah theuh turin mitinte a sawm a. November 5, 2024 hian Sinnlung Hills Council huam chhunga mipui vote nei zawng zawngte chu vote thlak theuh turin State Election Commission chuan a sawm a ni.

General Election to Sinlung Hills Council, 2024.

Sinlung Hills Council term chu ni 21.11.2024 hian a lo tawp dawn ta a. Hei vang hian sub-rule (1) of Rule 3 of the Mizoram (Election to Sinlung Hills Council) Rules, 2019 in thuneihna a pek angin State Election Commission, Mizoram chuan a tum hnihna atan Sinlung Hills Council thar siam tura Inthlanna a buatsaih dawn a. He inthlanna atana Commission hma lak dan leh Schedule of Election chu a hnuaia tarlan ang hi a ni:-

1.  No. & Name of  Constituency, No. of Polling Stations & District:

Sinlung Hills Council hnuaia Constituency leh Polling Station awm dan chu hetiang hi a ni a, a tul dan azirin voter tamna bik Polling Station-ah Auxilliary Polling Station hawn belh a ni ang. Aizawl District-ah Constituency 6 awmin Polling Station 19 a awm a, Kolasib District-ah Constituency 2 awmin Polling Station 7 a awm a, Saitual District-ah Constituency 4 awmin Polling Station 12 a awm ang:

2.   Electoral Rolls

Chapter-III, Rules 16 to 34 of the Mizoram (Election to Sinlung Hills Council) Rules, 2019-in a sawi angin ni 10 – 30, September, 2024 chhung khan Summary Revision of Sinlung Hills Council Electoral Rolls, 2024 chu neih a ni a, Final Electoral Rolls hi ni 30.09.2024 khan tih chhuah a ni. 

He Electoral Roll Revision-ah hian hming thun, hming paih leh a dik lote tih dik hna thawh a ni a. Final Electoral Rolls-ah hian Sinlung Hills Council inthlan 2024-a vote thlak thei tur chu mi 23,789 an ni a, chung zinga 11,875 chu mipa niin, 11,914 chu hmeichhia an ni. Sinlung Hills Council inthlan hmasa ber 2019-ah khan voter 20,914 awmin, 2024-a voter punna hi 2,875 a ni. Constituency 12-a voter awm dan chu a hnuaia mi ang hi a ni:-

3.   Identification of Electors 

General Election to Sinlung Hills Council, 2024-a vote thlak tur te reng reng chuan Polling Booth-ah an nihna (identity) ti chiang turin EPIC hmang tura hriattir an ni a. Eng vang pawhin EPIC nei lo palh an awma vote nei an nih si chuan an nihna ti chiang turin State Election Commission-in ID Proof atana hman tur document a tar chhuahte an hmang thei ang.

4. Law & Order and Deployment of Forces

Inthlanna lang tlang, muanawm leh felfai kan neih theihna atan dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police-te chu ruahmanna tul zawng zawng siam tura tih an ni. A bik takin, ram ri kan chungchang, ralthuam ken chungchang leh au rinna hman chungchangah khapna thupek ti chhuak tura beisei an ni.

Aizawl District huam chhungah Polling Station 19 awmin chung zinga Polling Station 6 te chu Critical Polling Station atan puan an ni a, chungte chu a hnuaia tarlan te hi an ni:

Kolasib District huam chhungah Polling Station 7 awmin, an vai hian Critical Polling Station atana puan an ni. Chungte chu a hnuaia tarlan ang hi an ni: 

Hetih lai hian Saitual District-ah Polling Station 12 awmin, Polling Station 3 te chu Critial Polling Station atana puan an ni bawk, hetiangin: 

Critical Polling Station-ah te hian District Magistrate leh Superintendent of Police ten inthlanna him leh muanawm tak kan neih theihna turin a bik taka duan ruahmanna an kalpui dawn a ni.

5.   Election Officials

The Mizoram (Election to Sinlung Hills Council) Rules, 2019 in thuneihna a pek angin, State Election Commission chuan Returning Officer (RO) leh Assistant Returning Officer (ARO) atan Mizoram Sawrkar hnuaia Officer 24-te a ruat a. Heng bakah hian Polling Station tinah Presiding Officer 1 leh Polling Officer 2 zel ruat an ni bawk ang a, an duty-na hmun tur Constituency leh Polling Station hi thum vawr (draw of lots) a siam vek a ni ang. 

6.    Observers

Mizoram State Sawrkar hnuaia senior leh hming tha, officer 3 (pathum) te chu Election Observer atan ruat an ni a, anni hian inthlan chungchanga hma lak dan ngun takin an vil dawn a ni. Inthlan kalpui dana lungawi lohna emaw, Model Code of Conduct kenkawh chungchanga sawisel duh neite chuan an bialtu Observer an hriattir thei ang.

State Election Commission, Mizoram in Election Observer atana a ruat te chu heng mite hi an ni:

7.         Ballot Box & Ballot Paper

Rules 50, 51 & 52 of The Mizoram (Election to Sinlung Hills Council) Rules, 2019 in a sawi angin, Sinlung Hills Council General Election-ah hian Ballot Box leh Ballot Paper hmanga inthlan tur a ni a.  Ballot Paper hi Sawrkar ruat bik Officer kaihhruaina hnuaiah uluk taka Police-te venhimna hnuaia print tur a ni a. Ballot Paper-te peih fel a nih vek hnuah DC/DEO, Aizawl/Kolasib/Saitual te Strong Room-ah venhimna uluk tak hnuaiah dah tur a ni a. Polling Party te, hun ruat bikah Polling Station an pan a, inthlan a zawh fel hma loh chuan uluk taka venhimna hnuaiah a awm reng ang.

8.   Indelible Ink

He Sinlung Hills Council inthlanpui-ah hian vote thlak nawn a awm loh nan te, voter-in vote a thlak tawh ngei a ni tih ti chiang tur tein vote thlak zawng zawngte chu an kut vei lam zungchalah Indelible Ink hnawihsak vek tur a ni.

9.  Conduct of Officials

State Election Commission chuan Sinlung Hills Council inthlanna buatsaih kawnga mawhphurtu Sawrkar hnathawk zawng zawngte chu thlei bik nei lo leh hlauhna nei hauh lova a lai (impartial) thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm a ni. 

10.   Video & Photography

A tul dan azirin thil thleng danglam bik leh Model Code of Conduct bawhchhiatna a awm chuan chhinchhiah a, thla la zel turin District Election Officer-te chu beisei an ni a, hei hian inthlanna felfai leh thianghlim a awm theih nan kawngro a su hle tura ngaih a ni. 

11.   Election Expenditure Monitoring

Rule 102, 103 & 104 of the Mizoram (Election to Sinlung Hills Council) Rules, 2019 dungzuiin Candidate tinte chu Election Campaign atana an sum hman ral nitina chhinchhiah tur leh inthlanna result puan atanga ni 30 chhungin  an sum hman dan report theh lut tura tih an ni ang. Candidate-te’n dan an zawm that leh that loh hi District Election thuneitute leh Observer-te’n an vil reng dawn a ni. Sinlung Hills Council General Election-a Candidate-te’n campaign nana an sum hman theih zat hi Rule 103 of the Mizoram (Election to Sinlung Hills Council) Rules, 2019-in a sawi angin Constituency pakhat zel ah Rs. 2,00,000/- a ni. 

12.  District Election Plan & Communication Trial Run 

State Election Commission kaihhruaina hnuaiah District Election Officer-in District Election Plan mumal tak a siam ang a, chumiah chuan Communication Plan, Movement Plan, etc., felfai taka tarlan a ni ang. Sinlung Hills Council huam chhunga Polling Station-te hi hmun kilkhawr zawka awm te an nih avangin inbiakpawh nan Wireless Tele-communication (MPRO) hman tangkai a ni ang a,  hemi bakah hian Mobile Phone provider-te pawh tan la tura ngen an ni. Poll Day hma Poll Eve-ah Communication Trial Run hi neih a ni ang a, hei hian Poll Day-a Voter Turn-Out leh Counting Day-a Election Result, report leh puanzar kawngah kori a tu hle tura ngaih a ni. 

13.  Model Code of Conduct

‘Model Code of Conduct chu tun atang hian Sinlung Hills Council huam chhungah hman tan nghal a ni’. He Model Code of Conduct hian Political Parties, Contesting Candidates, Ministers, Ministers of State, Members of Parliament leh Members of Legislative Assembly te a huam ang. Hetih rual hian Sawrkar hnathawkte tana zawm tur Code of Conduct pawh State Election Commission chuan a ti chhuak a, hei pawh hi vawiin atanga hman tan nghal a ni. 

14. Schedule of Election

Second General Election to Sinlung Hills Council, 2024 neih dan tura ruahmanna – Schedule of Election chu hetiang hian siam a ni:-

 State Election Commission, Mizoram, Government of Mizoram, India.pdf