No.3809/2020-2021

Vawiin ni 5.08.2020 hian State Election Commission chuan Village Council leh Local Council inthlan hun atan ni 27.08.2020 (Thursday) a puang. Vote thlak theih hun chhung hi zing dar 7:00AM atanga tlai dar 5:00PM a ni a. Vote thlak zawh a nih hian vote chhiar tan nghal tur a ni a, Re-poll a awm a nih chuan ni 28.08.2020 (Friday)-ah, zing dar 7:00AM atanga tlai dar 5:00PM thleng vote thlak theih a ni ang.

Village Councils inthlan-ah hian Voter hmeichhia 2,29,937 leh mipa 2,24,243 an awm a, voter belhkhawm 4,54,180 a ni. Village Council-ah hian general seat 1831 a awm a, reserved seat 633 niin, avaiin seat 2464 a awm a; 2015 inthlan aiin a punna chu seat 163 a ni.

Local Councils inthlan-ah hian Voter hmeichhia 1,17,037 leh mipa 1,01,721 an awm a, voter belhkhawm 2,18,758 a ni. Local Councils-ah hian general seat 397 a awm a, reserved seat 148 a awm a, avaiin seat 545 a awm a; 2015 inthlan aiin a punna chu seat 10 a ni.

Mara Autonomous District Council (MDC) hnuaia 18-Siaha North-I by-election atan ni 26.08.2020 puan a ni bawk a. Vote hi ni 28.08.2020-ah chhiar a ni ang.

State pumah Model Code of Conduct hman nghal a ni.