Mizoram State Election Commission chuan Village Council General Election 2015 a neih turah hian Village Council seat awm thei zat tur chungchangah The Lushai Hills District (Village Councils) Act, 1953 tuna hman mek chu a siamtha a. He dan siam that, The Lushai Hills District (Village Councils) (Amendment) Act, 2014 hi kum in Village council inthlan lo awm torah hman a ni dawn a ni.

The Lushai Hills District (Village Councils) (Amendment) Act, 2014 in a tarlan dan chuan : -

1) Chhungkaw 200 aia tam lo chin in Village Council member 3 (pathum) an nei ang a, member pakhat chu hmeichhia a ni ang.

2) Chhungkaw 201 leh 500 inkar khua te chu Village Council member 5 (panga) an nei thei ang a, member pakhat chu hmeichhia a ni ang.

3) Chhungkaw 501 leh 1000 inkar khua te chuan member 7 (pasarih) an nei thei ang a, member pahnih chu hmeichhia an ni ang.

4) Chhungkaw 1000 chuang awmna khua te chuan member 9 (pakua) an nei thei ang a, member 3 (pathum) te chu hmeichhia an ni ang.

Heng hmeichhia member te hi thlan tur an nih avangin nomination pawh an file vek tur a ni a. Hmeichhia leh mipa Candidate te hi Ballot Papers rawng hran siam sak an ni ang. Election Symbol pawh The Mizoram (Election to Village Councils) Rules, 2014 angin Party Affiliation nei te chuan Reserve Symbol tho an hmang ang. Ballot Box hran siam an ni lovang a, Ballot Box ah hmeichhe vote pawh Ballot Paper rawng hranin vote thlak vek ang.

Hmeichhia ten nomination an file lo a nih chuan seat ruakin a awm ang. State Election Commission-in tul a tih hunah Inthlanna buatsaih sak an ni ang.