4895/2025-2026

Aizawl, 18 March 2026 :  Aizawl Municipal Corporation term chu ni 1 March, 2026 khan a lo tawp ta a. Constitution of India, Article 243ZA-in thu neihna a pek leh Section 346 (1) of the Mizoram Municipalities Act, 2007-in mawhphurhna a pek angin State Election Commission, Mizoram chuan General Election to Aizawl Municipal Corporation, 2026 chu ni 21^st April, 2026 (Thawhlehni) hian a buatsaih dawn a ni.

Aizawl Municipal Corporation huam chhunga Electoral Roll ennawnna chu ni 5 August, 2025 atang khan neih niin Aizawl Municipal Corporation Inthlanna a hman tur Final Electoral Rolls chu ni 7 January, 2026 khan tlangzarh a ni.

Aizawl Municipal Corporation Ward hrang hrang leh Veng hrang hranga Voter awm dan leh Seat neih dan te, Inthlanna tur atan a inbuatsaihna leh mipui te hriat tur hrang hrang te hetiang hian tarlan a ni:

1. AMC Ward, Localities, Voters & Seats: Aizawl Municipal Corporation Inthlanpuiah hian Constituency 19 a awm a, kum 5 term atan Corporator turte kan thlang leh dawn a ni. Ward hrang hrang te, Ward tin a Locality hrang hrang te, Voter awm dan leh Seat neih dan chu hetiang hi a ni:-

1. Identification of Electors: Vote thlak turte chuan an nihna ti chiang turin Election Commission of India-in a siam EPIC an keng ngei tur a ni a, an nei lo a nih chuan an nihna chiang taka hriat theihna Identity Card dang State Election Commission, Mizoram-in Order hmanga a tih chhuahte zinga mi an keng tur a ni.

Vote thlak a nih dawnin vote – ‘neitu dik tak a ni’ tih chian theih a nih loh chuan vote an thlak thei lo ang.

1. Dan leh thupek: Inthlanna felfai leh muanawm kan neih theih nan dan leh thupek keng kawh turin District Magistrate leh Superintendent of Police, Aizawl District te beisei an ni a. Eng thil mahin Inthlanna hi a ti buai tur a ni lo.

A tul a nih chuan Polling Station ven him ngai bikte an thlang chhuak ang a, ven himna kawngah hmaih nei loin hma an la ang nga, eng thil mahin inthlan hi a tibuai tur a ni lo.

1. Election Officials: Deputy Commissioner, Aizawl District chu District Municipal Election Officer atan ruat a ni a, Inthlanna buaipuitu atan veng hrang hranga Sawrkar hnathawkte chu ruat an ni bawk. Municipal Returning Officer, Asst. Municipal Returning Officer, Presiding Officer, Polling Officer leh Counting Officials atan pawh Sawrkar hnathawk tawnhriat nei tha, rintlak leh fel tak takte ruat an ni a. State Election Commission, Mizoram aiawh a thleibik nei lo a hna thawk tura beisei an ni.
2. Election Observer: General Election to Aizawl Municipal Corporation, 2026 atan hian Election Observer an awm dawn a. Senior Officer, inthlan buatsaih kawnga tawnhriat nei tha leh rintlak an ni. Anni hian inthlan chungchanga hma lak dante ngun takin an vil dawn a. Inthlan kalpui dana lungawi lohna neite chuan Election Observer-te an hriattir thei ang.
3. Conduct of Official: State Election Commission chuan inthlan buatsaihnaa mawhphurtute chu duhsak bik emaw hlauh bik emaw an neih a rem ti lo a, a lai thei ang bera hna thawk tura beisei an ni. An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thu neihna hnuaiah inthlan buaipui hna an thawk a ni.
4. Electronic Voting Machine (EVM): Sub-section (i) of Section 37 of the Mizoram Municipalities Act, 2007-in a sawi angin General Election to Aizawl Municipal Corporation, 2026-ah hian Bharat Electronics Limited M2 Electronic Voting Machine (BEL M2 EVM) hman a ni ang.

Bharat Electronics Limited (BEL) hi Ministry of Defense, Government of India hnuaia public sector aerospace & defense electronics company ani a, an Engineer te hian Aizawl Municipal Corporation Inthlanna a hman tur Electronic Voting Machines (EVM)-te hi an check vek bakah vote chhiar zawh a nih hma chuan an vil reng dawn a ni.

1. Polling Station: Vote thlaktute’n him leh awlsam, hun khawh ral lo leh rang taka vote an thlak theih nan Polling Station 257 ruahman a ni a. A tul dan zel in Auxiliary Polling Station siam belh a ni ang.
2. Indelible Ink: Vote thlak nawn leh mi aia vote thlak tumte ven nan vote thlaktute kut vei lam zungchal tin leh vuna kai telin Indelible Ink tah vek tur a ni dawn a, Indelible Ink tah duh lo te chu vote an thlak remtih a ni lo ang.
3. Common Election Camp: Political Party worker-te inkarah boruak tha lo pumpelh a nih theih nan Polling Station bulah Political Party-te leh Candidate-te awm khawm nan Common Election Camp pakhat chauh siam phal a ni a, he camp hi mawlmang thei ang bera siam tur a ni. Flag te, Poster te, Symbol te leh thu ziak, Political Party emaw Candidate lam kaihhnawih ziahna eng mah tar loh tur a ni. He camp-ah hian party tinte pawm tlan theih tur, tualchhung mi (NGO/MPF) te duty tur a beisei an ni.
4. Term: The Mizoram Municipalities Act, 2007, Section - 22 in a sawi angin tun tum Aizawl Municipal Corporation inthlan ah pawh hian kan lo tih thin tawh angin Corporator-te hi kum nga

(5) atan kan thlang dawn a ni.

1. Model Code of Conduct: Model Code of Conduct chu tun atang hian Aizawl Municipality huam chhhungah hman tan nghal a ni a. He Model Code of Conduct hian Political Party zawng zawng te, Contesting Candidate zawng zawng te, Minister te, MLA te leh Aizawl Municipal Corporation inthlannaa inhnamhnawih Public Servant te a huam ang.

State Election Commission, Mizoram chuan Pu C.C. Lalchhuangkima, MCS, Additional Secretary to the Government of Mizoram chu State Level Nodal Officer, Model Code of Conduct atan a ruat a. A ni kaihhruaina hnuaiah hian Model Code of Conduct Monitoring Team- te awmin, Model Code of Conduct bawhchhiatna a awm leh awm loh uluk takin an vil dawn a ni.

Model Code of Conduct bawhchhiatna chungchang ah complaint emaw, sawi duh nei chuan State Level Nodal Officer, Model Code of Conduct hnenah hian ziakin thehluh theih a ni ang.

1. Election Expenditure: Rule 33(8)(a) of the Mizoram Municipalities (Election of Councillors) Rules, 2007-in a sawi angin, Aizawl Municipal Corporation inthlan senso atan Candidate pakhatin Ward pakhat ah Rs. 1,00,000/- (Cheng Nuaikhat) a hmang thei ang.

State Election Commission, Mizoram chuan Pi Malsawmdawngliani, MF&AS, Director, Local Fund Audit & Pension chu Expenditure Observer cum State Level Nodal Officer, Expenditure Monitoring atan a ruat a. A ni kaihhruaina hnuaiah hian Expenditure Monitoring Team-te awmin, Candidate te inthlan senso reng reng uluk takin an vil dawn a ni.

1. Schedule of Election: State Election Commission, Mizoram chuan hetiang hian General Election to Aizawl Municipal Corporation, 2026 neih dan tura ruahmanna – Schedule of Election chu a siam a ni:

14. Ngenna: State Election Commission, Mizoram chuan inthlanna him, fel fai leh muanawm kan neih theih nan inthlanna buaipuitu, Political Party te, Media te, NGO te leh mipui tawiawmna a ngen a. Mipui duh thlanna kal tlanga tualchhung inrelbawlna tha tak kan neih theih nana theih tawp chhuah theuh turin mitin te a sawm a. Ni 21^st April, 2026-ah hian vote thlak theuh turin Aizawl Municipality huam chhung a mipui vote nei zawng zawng te chu a sawm a ni.