Ministry of Home Affairs, Government of India chuan State leh UT zawng zawnga Chief Secretary-te hnenah India ram State Emblem-a ram thuvawn "Satyameva Jayate" tih tarlan hmaih thin a nih chungchangah lehkha thawn darhin, Sawrkar hnuaia peng hrang hrangten India ram State Emblem chu an stationery-ah te, lehkhabu tihchhuahah te, seal-ah te, lirtheiah te,building-ah te, website-te leh thil dangah thuvawn "Satyameva Jayate" tih hi tarlang tel lovin Lion Capital lem chauh hi an la nemkai fo tih hriat a nih thu tarlan a ni a. India ram State Emblem hi Lion Capital lem hnuaia "Satyameva Jayate" tih thuvawn (Devanagri hawrawpa ziak) tel lo chuan a famkim lo tih hriatreng tur a ni tih lehkha chuan a sawi. India ram State Emblem hi a famkim lova tihlan a nih chuan State Emblem of India (Prohibition of Improper Use) Act, 2005 leh State Emblem of India (Regulation of Use) Rules, 2007 bawhchhiatna a ni. A famkim lova India ram State Emblem tarlan a nih avang hian Dan zah lohna thubuai pawh Hon'ble High Court, Calcutta-ah put luh a ni nghe nghe a ni.
Hetiang a nih avang hian Sawrkar hnuaia peng hrang hranga sawrkar thil pawimawha India ram State Emblem hmang thei chinte chuan he 'State Emblem' hi a famkimin an tilang ngei tur a ni a. Ram thuvawn "Satyameva Jayate" tih chu Devanagri hawrawpa ziakin, Lion Capital hnuaiah a chuang ngei tur a ni. "Satyameva Jayate" tih thuvawn hi State Emblem-ah tarlan hmaih miah loh tur a ni a; hei hi bawhchhia an awm chuan na taka action lak tur a ni.
