Vawiin khan District Industries Centre, Aizawl District chuan an pisa Ramhlun Venglai ah State Incentive Subsidy (SIS) semna inkhawm an buatsaih a. He inkhawm ah hian Industries Commissioner Pu R L Rinawmna chuan Industry neitu, mi 32 te hnenah subsidy chi hrang hrang Rs. 20,41,206(a vaia belhkawm) a hlan a ni.
Pu R L Rinawma chuan Industry neitu tam tak zinga mi tlemte in hetiang tanpuina an dawng thei chu a lawmpui thu sawiin hei aia tam zawk in an dawn theih nan SIS kalhmang industry neitu ten an hriat a tul thu a sawi bawk a ni.
SIS tanpuina hi Industry ding thar tir ten kum nga chhung in an dawng thei a. Tun tuma subsidy chi hrang hrang dawngtute chu - Power Subsidy mi 25; Interest Subsidy mi 4 leh Man power leh State transport subsidy mi pakhat ve ve an ni.
