4216/2025-2026 

Siaha, 29th January, 2026 : State Information Commissioner, Pu Mangjangam Touthang chuan vawiin khan Siaha Press Club - ah Mizoram Journalist Association (MJA) Siaha te kawmna a nei.

Pu Mangjangam Touthang chuan Right to Information Act (RTI) chungchang sawiin sawrkar khalhngilna pawimawh leh tangkai tak a ni, a ti a. Mipuiten sawrkar hmalakna hrang hrang an hriat theihna leh an lungawilohna an thlen theihna a nih thu sawiin, mipuite hnena puanzar kawngah thahnem ngaihpui turin MJA te a sawm nghal bawk. Mizoramah hmasawnna hnathawh tam tak kalpui mek a ni a, sawrkar hmalakna kawng hrang hrangte hi RTI hmanga zawhfiah vek theih a ni tih hriat a tul hle a ni a ti a. RTI Act hian mipuite dikna chanvo a humhalh tlat tih tarlangin, mipuiten an hman tangkai a, sawrkar khalhngilna atan a pawimawh takzet a ni a ti bawk.

Inkawmnaah hian RTI chungchanga zawhna leh chhanna te neih nghal a ni a, heibakah hian Pu Mangjangam Touthang chuan MJA library a dah tur Handbook on the Right To Information Act bu a pe nghal bawk.