Pu Lalsawta, Planning Minister chuan vawiin khan State Level Consultation on New Economic Development Policy, I & PR Auditorium a neih chu a hmanpui a. Pu H. Liansailova, Vice Chairman, Mizoram State Planning Board chu khual zahawm a ni. He inhmuhkhawmna hi Prof. Lianzelan a kaihruai a. Dr. C. Vanlalramsanga, Secretary, Planning chuan NEDP chungchangah presentation a nei.

Pu Lalsawta chuan NEDP chuan luhchilh bik neia huntiam chhunga zawh a, thar chhuah leh neih tam belhna tur kawng hrang hranga Production Oriented tura rawtna thlen turin kalkhawmte a ngen a. NEDP hi Mizoram siamthatna tura sorkar hmalakna a ni, a ti.

Pu H. Liansailova chuan hman atanga tun thleng hian Mizorama ei leh bara kan dinhmun chu ei chawp ngawr ngawr ngaihtuah a nih thu leh hemi atanga kan chhuah a ngaih thu a sawi. Agriculture leh Allied Department lamah theihna kan nei sang a, Mizoram mipui 60% - 70% innghahna a nih avangin tun ai hian than chak a ngai a ni a ti.

Vawiin State Level Consultation on NEDP ah hian pawl hrang hrang - NGO, Kohhran, PRISM etc. te an tel a ni.