Vawiin chhun dar 11:30 a.m. khan Aijal Club-ah State Disaster Management Plan lo zirlawkna leh sawihona hun hman a ni a. He sawihona hun hi Pi Lalzarmawii, Jt. Director, Disaster Management & Rehabilitation (DM & R) department in a kaihruai a, Pu T.V. Fambawl, Secretary, DM & R department chu Khuallian a ni.
Pu T.V. Fambawl chuan rikrum thil a lo thlen hian ruahmanna fel tawk lo avangin kan thahnemngaihna te hian a nih dan tur angin a thawhhlawk lo fo thin a ni a ti a. State Disaster Management Plan chu hetiang huna sawt zawka hmalak theihna atan a pawimawh thu sawiin a buatsaihtu Pi Kalika Mohapatra, Consultant hnenah lawmthu a sawi a. Sawihona hun hmangtute chu zalen taka an duh lai leh duhkhawp loh laite sawi langa hlawk taka hun hmang tura chahin he sawihona hun hi a hawng a ni.
State Disaster Management Plan hi Mizoram state chhunga chhiatrupna thleng thei hrang hrang laka invenna te, chhiatna tih ziaawm dan tur te, rang leh sawt taka chhanchhuah hna thawh a nih dan tur leh inchhawmdawlna tha tak a awm theihna atana ruahmanna siamna tur a ni a. Mizoram leilung leh ram awm dan te, sik leh sa awm dan te, state economy leh mihring chengte dinhmun leh khawsak zia te zir chian hnua buatsaih a ni. Pi Kalika Mohapatra chuan State Disaster Management Plan buatsaih a nih dan tlem sawiin he Plan-a bung (chapter) hrang hrang 10 te a sawi fiah a. Hemi hnu hian Group Discussion neih niin State Disaster Management Plan bung hrang hrangte hi group hrang hrangah a hrana sawi ho a ni. Heng sawi hona atanga siam that ngai laite siam that a nih hnuah State Disaster Management Plan hi a bu siama tihchhuah a ni ang.
State Disaster Management Plan hi Mizoram state chhunga chhiatrupna thleng thei hrang hrang laka invenna te, chhiatna tih ziaawm dan tur te, rang leh sawt taka chhanchhuah hna thawh a nih dan tur leh inchhawmdawlna tha tak a awm theihna atana ruahmanna siamna tur a ni a. Mizoram leilung leh ram awm dan te, sik leh sa awm dan te, state economy leh mihring chengte dinhmun leh khawsak zia te zir chian hnua buatsaih a ni. Pi Kalika Mohapatra chuan State Disaster Management Plan buatsaih a nih dan tlem sawiin he Plan-a bung (chapter) hrang hrang 10 te a sawi fiah a. Hemi hnu hian Group Discussion neih niin State Disaster Management Plan bung hrang hrangte hi group hrang hrangah a hrana sawi ho a ni. Heng sawi hona atanga siam that ngai laite siam that a nih hnuah State Disaster Management Plan hi a bu siama tihchhuah a ni ang.
