No.2524/2021-2022
Aizawl 07.10.2021: Vawiin khan National Livestock Mission (NLM) State Level Executive Committee chu an chairman Additional Chief Secretary Pu JC Ramthanga hovin CM Conference Hall-ah an thukhawm. NLM hmalakna, kum 2014-15 atanga hman tan tawh chu kumin hian sawrkar laipui chuan a kalphung thlak (re-align) in, vawiin meeting hi hemi hnua state level excutive neih hmasak ber a ni. AH&Vety Secretary Pi Lalzarmawii chu Co-chairman a ni

NLM hmalakna kalphung her danglam tak, kum 2021-2026 chhunga kalpui (implement) tur a hmachhawp hrang hrangte vawiin meeting chuan thlirho in hma lak dan tur sawi ho a ni a. NLM hian a tum ber chu ran vulh a eizawngtute hlawk zawk an eizawnna in hma a sawn theihna turin leh an eizawnna a lo ngelngheh zawk nan te, leh ran vulh atanga thil thar tihpun te a ni a. Hemi atan hian sa, kel hnute, artui leh beramhmul tharchhuah tihpun chu hmachhawp hmasa zawk atan sawrkar laipui chuan a duang a ni.

Entrepreneurship lama hmasawnna a awm theih nan incentive pek chu pawl chuah nilo mimal ah pawh pek phal a ni tawh a; farmer-te eizawnna a lo ngelngheh zawk theih nan he mission hnuaiah hian livestock insurance telh a ni bawk a.