3359/2024-2025

Saitual, the 4th December 2024: Vawiin khan State Level Field Technical Committee leh State Level Project Monitoring Committee- te chuan Silk Samagra- 2 hnuaia member 8 ten project pathum an neih, Eri Silk Development Project, Sustainable Livelihood through Eri culture in East Mizoram leh Augmentation of Muga Silk in Mizoram te hmalakna Sesawng cluster leh Saitual district-a Luangpawn cluster-te an tlawh.   

Heng cluster pahnihah te hian an project kalpui mekte leh an hmasawnna hrang hrangte enpui an ni a. Luangpawn cluster-ah hian hamthatna dawngtu (beneficiaries) te chu Eri Sericulture-ah 12 leh Muga Sericulture-ah 3 an awm mek a. Saitual district chhungah hian Eri leh Muga Sericulture benefeciaries mi 90 awmin, beneficiaries te hian silk pangang khawi nan huan siamnate, pangang khawina hmanruate an dawng a, heng bakah technical training te pek an ni bawk.   

State Level Field Technical Committee leh State Level Project Monitoring Committee field visit hi Sericulture department atangin Pu Lalrinawma, Joint Director, B. Lalchhuana, Dy. Director, Pi Vanlalhmangaihi, FAO, Pi Hmingthantluangi, DSO (Aizawl), Pu A. Vanlalliana DSO (Saitual), Pu Hriatpuia, Project Cell, Pu Lalthlamuana, Sericulture Demonstator bakah Guwahati lam atang scientist pahnih Dr. Rajiv Munshi leh Dr. BN Chowdary te chuan an tawiawm a ni.