Khua a thal a, nipui a lo thaw leh tan dawn ta a. Kum tin hetiang hunah hian ram a kan duh avangin kan ramngaw, thlai, in leh lo te kangmei avangin kan chan nasa hle thin a. Heng hlohna leh channa nasa tak hi tawh mai theih a nih avangin State Level Fire Prevention Committee chuan mitin fimkhur turin a duh a. Lo hal tur ten meilam zau tak sial a, ramhnuaiah meinung lai timit lova kalsan lo tur te, meizial bung nung lai paih mai lo tur tein mipuite a ngen a ni. Ramkang hian Pathian thilsiam - ramngaw leh nungchate boralna a thlen a, boruak chhia a siam a, nunna hlu tak channa hial a thlen thei a. Ramkang a lo awm palh a nih chuan a thelhtu nih theuh tum turin State Level Fire Prevention Committee chuan mitin a ngen bawk a ni.