1793/2024-2025

28th August, 2024 : Vawiin khan INTACH Hqrs, New Delhi bultumin School Education Directorate Conference Hall-ah State Level Heritage Quiz Competition 2024 neih a ni a. He Quiz competition hi INTACH Mizoram Chapter leh Directorate of School Education tangkawpin, school naupang Class 9 leh 10 zirlaite tan an buatsaih a, Aizawl chhunga school than bik 13 ten he inelna hi an hmachhawn a ni.

He Quiz competition-a khuallian Pu Lalsangliana, Director School Education & State Project Director, Samagra Shiksha, Govt. of Mizoram chuan thusawiin naupangte chu kan hnam rohlute humhalh a tulna kawngah tan la leh zual tur leh Regional leh National Level intihsiakna an hmachhawn leh turah theih tawp chhuaha, Mizote tihmingthatu ni turin a fuih a ni. Pi Ng. Fanchun, Deputy Director, School Education chuan kal khawmte lawmna thu sawiin, Pu Rin Sanga, Convener, INTACH (Mizoram Chapter) chuan he competition buatsaih dan chungchang a sawi a, Pu LalramThanga, Member-Secretary, INTACH chuan technical reports a pe bawk. Pu Lalhmachhuana, Addl. Director, School Education chuan kalkhawm te hnena lawmthu sawiin, programme hi khar a ni.

INTACH leh School Education tang kawpte hian zirlaite tan hnam ro (heritage) hrang hrang – khuanu duansa (natural), mihring siam chawp (built heritage), hnamzia leh tawng (cultural heritage) an vawn a, humhalh duhna thinlung an lo neih zel theihna turin program a lo siam tawh thin a; nikum lama 'My Monument Search 2023' Painting Competition buatsaiha Regional Winner Regina J.Zosangluaii, Class-X, St. Paul’s HSS leh National Winner Zothanpari, Class-X, Govt. Mizo High School-te chu he hunah hian chawimawina hlan an ni bawk a ni.

Zirlai tel zawng zawng hi 100 niin team 50 ah then an ni a, participation Certificate pek vek an ni. He inelnaah hian team 4 te chuan final round an lut a, Mt. Carmel School chu pakhatna niin, Kriti Bandu Deb, Class X zirlai leh Stephen VL Rotluangate-te chuan lawman pakhatna an dawng a; Harry Lalruatfela, Class –X leh Isaac Lalremruata, Class- X, St. Paul’s HSS te chu pahnihna niin; Vanmalsawma, Class- IX leh Mai MaiTi Aung, Class-IX, Mt. Carmel School-te leh, Freddy Lalfakawma Clss-IX lehVanrammawii Fanai Class-IX, Govt. Mizo HSS-te chu pathumna an ni bawk.