Mizoram Science Centre leh National Council for Science & Technology Communication tangkawpin an buatsaih, ‘State Level Higher Secondary School Astronomy Quiz Contest 2012’ chu vawiin khan Mizoram Science Centre Auditorium-ah neih a ni.

He Astronomy Quiz Contest-ah hian Higher school hrang hrang atangin zirlai te an inel a, chawhnu lamah lawmman semna inkhawm neih chhunzawm nghal a ni a. Pu Aldrin Malsawmtluanga, Scientific Officer, Mizoram Science Centre kaihhruai lawmman semna inkhawm tawiteah Dr.Vanlalzara, Chief Scientific Officer, Directorate of Science & Technology chu khuallian niin zirlai te chu an zirlai zir zawh hnua an rilrua cham bet nghet tur chuan a tiha tih a pawimawh a ni tiin hetiang quiz hian an zirlaiah nasa taka a pui ngei a rin thu a sawi.

He Astronomy Quiz-ah hian Dawrpui School of Science & Technology chu pakhatna niin Certificate, trophy leh pawisafai Rs. 5000/- an dawng a, pahnihna Govt. K.M. Higher Secondary School niin Govt. Mizo Higher Secondary School chu pathumna an ni. He intihsiaka lawmman dawngtute chu:- 1st Position - K. Laltlanchhuanga & Vanlalmuanpuia Dawrpui School of Science & Technology; 2nd Position - Lalrinchhunga leh Lallawmzuali Govt. KM Higher Secondary School; 3rd Position - Lalawmpuia leh J.Lalthanzama Govt.Mizo Higher Secondary School.