2944/2022-2023

Aizawl, the 5th December 2022 : Vawiin khan Aizawl-a Chanmari YMA Hall-ah Mizoram Samagra Shiksha buatsaih hnamzia rang hmanga intihsiakna State Level Kala Utsav 2022 neih a ni a. State Project Director Pu Lalhmachhuana'n a hmanpui.

Pu Lalhmachhuana SPD chuan he Kala Utsav-ah hian thusawiin NEP 2020 ang chuan hnam zai leh lam te chu zirlai peng pakhat a ni tawh a, ngaih pawimawh a hlawh tulh tulh a ni a ti a. Zirlaite chu an kal zelna turah hnam zia ngai pawimawh zel tur te leh National level-a kal turte chu lawmman la thei ngei turin duhsakna a hlan a ni

National Level Kala Utsav-ah hian Mizoramin lawmman a lo dawng tawh thin a, kum 2021 pawh khan Visual Art 3D-ah lawmman pakhatna a lo dawng tawh a ni.

Kumin Kala Utsav-ah hian District levelah Govt school 47, Govt Aided 7, Private school 7 an tel a, zirlai 403 an tel a. State levelah District tin aiawh zirlai 103 an tel a. Heng zing atang hian National-a kal tur thlan an ni.

Kumin Kala Utsav-ah hian Artform hrang hrang - Vocal music classical leh Traditional folk, Instrumental Music Melodic leh Purcussive, Dance Classical leh Folk, Drama (solo acting), Visual Arts 2D leh 3D, Indigenous Toys & Games-ah te intihsiak a ni. Artform tinah hian mipa leh hmeichhia a hrangin an intihsiak zel a ni.

Artform hrang hranga tling National-a kal turte hi mi 19 an ni a, January 3-7, 2022 chhungin RIE Bhubaneswar Odisha-ah National Level Kala Utsav hi neih a ni dawn a ni.