2943/2022-2023
Kolasib dated 5th December 2022: Tukin khan DC Bangla tualzawl, Kolasib atangin Pu John LT Sanga, Deputy Commissioner chuan ni 5 awh tur Meghalaya Press Tour a kal tur DIPRO, Kolasib leh MJA member-te a vailiam.

Pu John LT Sanga chuan thutharlakhawmtute chu mi inchhiar zau tak an nih a tul bak ah thil hrechiang tur a hmun hrang hrang an tlawh kual a pawimawh thu a sawi a. Meghalaya chu India hmarchhak state zing a khawpui hmasa a nih angin zirchian tur tam tak a awm thu DC chuan a sawi a, khawtlang leh ram tan a thil tha leh hmasawnna thlen thei awmte zirchiang a, hlawkthlak tak a hun hmang turin duhsakna a hlan a ni.

Meghalaya Press Tour ah hian Pu Hmingthanzuala, DIPRO, Kolasib leh MJA Kolasib member 7 an tel a. Agriculture, Horticulture hmunhma te tlawh tum niin NEIGRIHMS leh hmundang pawimawhte tlawh tur a ruahman a ni a, December ni 9 hian an lo let leh ang.