Bilkhawthlir 'S' VC ten NLUP ti tha lawmman 3-na an lak lawmna inkkhawm chu LAD Minister Pu PC Lalthanliana'n a hmanpui.
Vawiin khan Bilkhawthlir 'S' VC te chuan Mizoram pum a NLUP titha lawmman 3-na an lak chu BNRGSK building-ah an lawma, he huanah hia LAD Minister PC Lalthanliana chu khuallian niin, Bialtu MLA K.Lalrinthanga chu khualzahawm ani a, he lawmna inkhawm hi an hmanpui a ni.
He inkhawm ah hian Minister chuan thu sawiin, NLUP lawmman 3-na an dawng chu a lawmpui thu a sawia, hetianga kuthnathawktu ten an thawhthat avanga lawmman an dawng hi mizoram history a thil thleng ngailo leh mellung pawimawhtak a ni tiin, NLUP hi kan vawiin atan a nilo tiin, chawlh hahdampui mai lo tur leh an naktuk hun a tana inbuatsaihna atan hmang tura a duh thu a sawi a. a khua anga lawmman an dawnna hi nakin lawkah mimal anga an lawmna a la nih tur thu a sawi bawk.
"Kuthnathawktu te tan Jubilee Dar kan vaw dawn" tia sorkar hun hmasa lama kan lo tlangaupui chu vawiin ni ah a hlawhtlinna kan hmu mek a, chhungkaw tam tak Cheng singkhat pawh ala luh ngai lohna ah a singtel a lut ta tih sawiin Minister chuan, NLUP sum lokalna lam aiin, Kuthnathawktu ten NLUP ataka an dawn leh a taka an hlawhtlin hi kan duh ber a ni, a ti a, Economic independent tel lovin hnam a him lova, hnam ropui anih theih loh tih sawiin, Zofa ten Economic independent kan neiha, kan hnam alo zahawm theih nan NLUP hmangin zofate tan Economic independent kan sual mek a ni, a ti. Hei bakah hian Minister chuan engemaw vanga NLUP a harsatna tawk leh ti hlawhtling theilo te tan, Central sorkar duhdan angin chhawmdawlna tur Exit Protocol ruahmanna kalpui mek anih thu a sawi lang bawk.
Khualzahawm Pu K.Lalrinthanga Bialtu MLA pawhin thu sawiin, an lawmman dawn chu a lawmpui thu a sawi a, Bilkhawthlir khawtlang hlawhtlinna chu mizoram sorkar hlawhtlinna anih thu sawiin Pu Rina chuan, A bial Serlui Constituency chhungah Mizorama NLUP a Mimal tithaber lawmman pakhatna (Rohuala, Saipum) leh Khawtlang huapa lawmman pathumna an lak bakah an district huapa mimal titha lawmman pahnihna (Chawngphira) an la chu lawmawm a tih thu sawi bawk.
He huanah hian Bilkhawthlir "S" VCP Pu Ramdinthara pawhin thu sawiin, NLUP a an hlawhtlinna chu a khaw mipui te rinawmna leh taimakna vang anih thu a sawi bawk a ni. Bilkhawthlir 'S' VC huamchhungah hian NLUP beneficiaries (1st Phase) chhungkaw 122 awmin heng mi te hian Fisheries Dept, Agriculture Dept, Soil & Water conservation Dept, Horticulture dept, AH & Vety dept leh Industry Dept hnuaiah hma an la a, heng an hmalakna hrang hrang te hi endik anih hnuah Mizoram puma NLUP titha lawmman 3-na hi mizoram sorkar chuan a hlan a ni.
Vawiin a he lawmna inkhawm ah hian Kolasib District NLUP Nodal Officer Pu Laldinsanga leh Line dept Officer te bakah NLUP Beneficiaries te pawh an kal tha hle a, tlai lamah lawmna ruai an kil ho nghal a ni.
