Nihnih awh tur state pum huapa Nu leh naupangte homoeopathy damdawia enkawl dan chungchang zir hona chu vawiin khan Berawtlang-ah Health & Family Welfare Minister Pu Lalrinliana Sailo in bul a tanpui.
Minister chuan workshop chhimtute fuihna thu sawiin Mizoram ah hian Health Department leh mipui kan thawh ho that phawt chuan ram puma health care ah a ti tha ber kan nih theih lohna tur a awm lo a ti a. Chuvangin Homoeopathy hmanga damlo enkawl uar leh zual tura tan kan lak pawh a tul dawn a ti. Minister hian Nu leh naupang enkawl dan lekhabu a tlangzarh nghal a ni.
Workshop hi Department of Ayush, Government of Mizoram; Department of Ayush, Government of India, National Institute of Homoeopathy, Kolkata leh Central Council for Research in Homoeopathy tang ho buatsaih a ni a, hetiang workshop hi Tripura, Assam, Meghalaya leh Manipur ah te buatsaih a ni tawh a. Zirtirna pe tur hian Dr. Eswara Das, Director, National Institute of Homoeopathy(NIH); Dr. S.K. Bhattacharya, HOD, Paed Deptt, NIH leh Dr. S.Ghosh, Dy. Medical Superintendent, NIH te an lo kal a ni.
Mizoram ah hian district 8 a hospital leh CHC 2 ah AYUSH Wing hi 2006 khan dah tawh a niin tunah hian Ayush Medical Officer 20 an awm mek.
Workshop hi Department of Ayush, Government of Mizoram; Department of Ayush, Government of India, National Institute of Homoeopathy, Kolkata leh Central Council for Research in Homoeopathy tang ho buatsaih a ni a, hetiang workshop hi Tripura, Assam, Meghalaya leh Manipur ah te buatsaih a ni tawh a. Zirtirna pe tur hian Dr. Eswara Das, Director, National Institute of Homoeopathy(NIH); Dr. S.K. Bhattacharya, HOD, Paed Deptt, NIH leh Dr. S.Ghosh, Dy. Medical Superintendent, NIH te an lo kal a ni.
Mizoram ah hian district 8 a hospital leh CHC 2 ah AYUSH Wing hi 2006 khan dah tawh a niin tunah hian Ayush Medical Officer 20 an awm mek.
