Vawiin hi International Literacy Day a ni a; he ni hi khawvel hmun hrang hrang leh India ram hmun hrang hrangah hman a niin, ziak leh chhiar la thiam loten an lo thiam ve theihna tura a thiam tawh leh la thiam ve lote thlenga a tulna leh pawimawhna inhrilhhriatna ni atana hman a ni thin a. Kumin kum 2009 hi chuan India President-in June 4, 2009-a Joint Parliament Session-a a thusawiah, tun kum 5 lo awm tur kum 2009-2014 chhung hian India rama hmeichhia puitling tawh, ziak leh chhiar la thiam lo zawng zawng ziak leh chhiar thiamtir vek tur a ni a lo tih, Women Literacy Programme chu thupuia nei chungin hman a ni a; Mizoramah chuan he ni International Literacy Day hi vawiin hian Lunglei, Serchhip, Kolasib leh Champhai-ah hlawhtling taka hman a ni. Chubakah, sawrkar laipui policy Women Literacy Programme bul tan zui nan leh mipui inhrilhhriatna hun atan September 9 -14, 2009 chhung hi Adult Learners’ Week atan hman tura tih a ni bawk a; he Week hi Mizoramah chuan District headquarters tin - Aizawl, Lunglei, Saiha, Lawngtlai, Serchhip, Champhai, Kolasib leh Mamit-ah hman tura tih a ni.

Mizoram-a International Literacy Day 2009 hman dan leh leh Adult Learners’ Week hman dan tur ruahmanna tlangpui chu hetiang hi a ni :-

1. Lunglei : Date 8.9.2009 chhun dar 11 khan Lunglei Art & Culture Auditorium-ah International Literacy Day 2009 hi Chief Guest atan Pu Joseph Lalhimpuia, MLA, Vice Chairman, Lunglei High Power Committee chu hmangin hlawhtling taka hman a ni a; Adult Learners’ Week September 9 -14, 2009 chhunga hman tur pawh he inkhawmah hian Khuallian hian a hawng nghal a, sawrkar laipui ruahman angin Literacy Meichher chhit a ni. Inkhawm kaihruaitu Pu Zolawma, DEO, Lunglei niin, International Literacy Day 2009 atana School Education Minister thuchah Pi Lalsangluri Sailo, CAEO-in a chhiar chhuak bawk a ni.

2. Serchhip Date 8.9.2009 zing dar 9:30 khan D.C. Conference Hall-ah International Literacy Day 2009 hi Chief Guest atan Pu H.Darzika, Deputy Commissioner, Serchhip chu hmangin hlawhtling taka hman a ni a. He inkhawm kaihhruaitu chu Serchhip DEO niin, Pu Lalzuiliana, President, YMA Sub-headquarters, Serchhip-in International Literacy Day 2009 atana School Education Minister thuchah a chhiar chhuak a; sawrkar laipui ruahman angin Literacy Meichher chhit a ni. Pi Ramdinliani, SDO(Sadar)-in thuchah tawi a sawiin, ziak leh chhiar thiam lo, zir thiam ta mi 2-in an lo zir thiam dan leh an hlawkpui dan chanchin an sawi bawk. Serchhip-ah hian Adult Learners’ Week September 9 -14, 2009 chhunga hman tur hawnna hi Deputy Commissioner hovin a hawnna date 9.9.2009 zing karah an nei dawn bawk a ni.

3. Kolasib : Date 8.9.2009 chhun dar 11 khan Kolasib New Diakkawn Community Hall-ah International Literacy Day 2009 hi Chief Guest atan Pu Dawngliana, Deputy Commissioner, Kolasib chu hmangin hlawhtling taka hman a ni a; Adult Learners’ Week September 9 -14, 2009 chhunga hman tur pawh he inkhawmah hian Khuallian hian a hawng nghal a, sawrkar laipui ruahman angin Literacy Meichher chhit a ni. Inkhawm kaihruaitu Pu B. Lianthlira, DEO, Kolasib niin, International Literacy Day 2009 atana School Education Minister thuchah chhiar chhuah a ni bawk.

4. Champhai : Date 8.9.2009 chhun dar 11 khan Champhai-ah chuan CHANEM Conference Hall-ah International Literacy Day 2009 hi Chief Guest atan Pu T.V. Fambawl, Deputy Commissioner, Champhai chu hmangin hlawhtling taka hman a ni a; September 9-14, 2009 chhunga Adult Learners’ Week hman tur pawh he inkhawmah hian Khuallian hian a hawng nghal a, sawrkar laipui ruahman angin Literacy Meichher chhit a ni. Inkhawm kaihruaitu Pu K. Lalrintluanga, DEO, Champhai niin, International Literacy Day 2009 atana School Education Minister thuchah chhiar chhuah a ni bawk.

5. Aizawl : Aizawl-ah chuan date 9.9.2009 chhun dar 11 hian Archive Hall, Babutlang-ah September 9 -14, 2009 chhunga Adult Learners’ Week hman tur hawnna inkhawm neih tur a ni a; Khuallian atan Pu Chawngtinthanga,  Parliamentary Secretary, School Education, etc. hman a ni ang. He inkhawm hi Pu J. Hmingthanmawia, Addl. Deputy Commissioner, Aizawl chuan kaihruaiin, Pu B.Lungmuana, Asst. Director of Adult Education chuan Adult Learners’ Week report leh Women Literacy Programme chungchang a sawi hawng dawn bawk a ni. Chubakah, ziak leh chhiar thiam lo, zir thiam ta mi 2 Pi Lalremthangi Renthlei, Keifang leh Pi Lianbuangi, Saitual te chuan ziak leh chhiar an zir thiam dan leh an hlawkpui dan chanchin an sawi bawk ang. Adult Learners’ Week kharna inkhawm hi date 14.9.2009 hian Pu K.Riachho, IAS, Secretary, Education & Human Resources Development (School Education) Department Khuallian atana hmangin hun hman leh tura ruahman a ni.

6. Mamit : Mamit-ah chuan date 9.9.2009 chhun dar 2 hian Mamit Chhim Veng YMA Hall-ah September 9-14, 2009 chhunga Adult Learners’ Week hman tur hawnna inkhawm neih tur a ni a; Khuallian atan Pu Zothankhuma, Deputy Commissioner, Mamit chu hman a ni ang a. He inkhawm hi Pu Laldangliana, DEO, Mamit chuan kaihruaiin, Pu Zohmingthanga, DPC, SSA, Mamit chuan Keynote address a nei ang a; Adult Learners’ Week report leh Women Literacy Programme chungchang sawi hawnna neih a ni dawn bawk a ni.

7. Saiha leh Lawngtlai : Autonomous District Council area - Saiha leh Lawngtlai-ah chuan District Council thuneitute nen thawkhovin Adult Learners’ Week hi date 9.9.2009 hian a hawnna inkhawm neih tura ruahman a ni a; Saiha-ah chuan District Council Executive Member (Education) chu khuallianah hmangin, Lawngtlaiah chuan District Council Education Officer leh SSA hotute nen hman a ni dawn bawk a ni.