UD & PA Minister Pu Zodintluanga chuan vawiin khan Kolasib khawchhunga sorkar-in mirethei in a sak sakte a hmunah a enkual.
Mirethei in sakna hi Integrated Housing for Slum Development Programme IHSDP hnuaia UD & PA Department kaltlanga thawh a ni a. Pu Zodintluanga chuan he ruahmanna thar hi Central sorkar-in sum a rawn tum hmanga thawh a niin, district hrang hrangah hei hi tih chhoh tur a ni a. Kolasib hi a thawh hmasak berna Pilot Project a ni, a ti. Kolasib khaw V/C te in sakna sum dawngtu leh department mite chu he thil hi a pawimawh em avanga uluk taka thawk turin a chah a. District dangte tan entawn tlaka sum dik taka hmang turin a chah a ni.
Kolasib-ah hian IHSDP hnuaiah mi 300 tan in sak sakna tur ruahmanna siam a ni a. Tunah hian chhungkaw 205 tan sum a thawhkhatna atan central sorkar chuan a rawn pe tawh a. Chhungkaw 100 hnenah 1st Instalment atan Rs. 60,000/- pekchhuah a lo ni tawh a. June 2 khan a ti tha zual chhungkaw 18 hnenah 2nd Instalment Rs. 60,000/- pek a ni leh tawh bawk. Chhungkaw khat zelin a vaiin Rs. 1,64,900/- dawng tura scheme hi ruahman a ni. UD & PA duh dan chuan in hi 42 sq. ft. aia te lo tur a ni a. 1st Instalment hmang hian a bang leh a chung a pum ngei tur a ni tih a ni bawk. Insakna sumte hi Bank-ah dah sak an ni a, an veng awmna V/C ten an hnathawh an endik atangin sum hi pekchhuah chauh an ni. Department chuan in sakna bungrua a tul angin a ngaihtuah sak bawk a, hei hi an sum dawn total atanga ziahfel leh tur a ni.
Pu Zodintluanga hi Kolasib District Road Transport Union te pawhin lo hmu in Kolasib khawchhung kawng siamtu tur NBCC hna tha lo an tih thu leh muang lutuka an hriat thu an thlen a. Khaw chhung kawng Project Kudam panna kawng chhe lutuk chu Minister hian a tlawh nghal a. Hetah hian NBCC hnathawkte pawh an telin, thil awmdan an sawiho hnuah Minister chuan DC Kolasib chu Town Road Coordination Committee ko thuai turin leh chutah chuan kawng siam tura an hmalakna kimchang inhrilh tawn a, inhriat chian loh thilte tih fiah vek ni se, an Committee thuchhuak chu amah Minister pawh pe ve turin a hrilh a ni. Minister chuan NBCC hnuaia Contractor pakhat JR Construction Company chu ban (terminate) tura Delhi a thlen mek anih thu pawh a sawi a ni.
Vawiin vek tlai lam khan Sports changtu nibawk Minister Pu Zodintluanga chuan Kolasib Saidan a Regional Training Centre dinna hmun tur tlawhin hmathar lak dan tur departmenmt hotute nen an rel a. He Centre hi NEC in a sakna tur cheng nuai 495 a rawn pek tawh a niin Sports Discipline hrang hrangah training theih tur a ni. Centrally Sponsored Scheme atangin Kolasib-ah hian Diakkawn, Venglai, Tumpui leh Saidan field te, Hmarveng Indoor Stadium, Basket leh Volley Ball Court te a lo siam tawh a. La puitling lo te pawh tih puitlin thuaina turin Mizoram State Sports Council chuan sum a nei tawh a ni. Pu Lianzuala, Secretary, MSSC chuan Kolasib hi District malkhaia Sports lama hmalakna nasa ber a ni tiin hei hi Kolasib infiammi thalaite tan chona nasa tak a ni a ti.
Minister hi Pu P. Lianhrima, Secretary, UD & PA; Pu P. Lalchhuanga, Director, UD & PA; Pu Lianzuala, Secretary, MSSC leh UD & PA atanga officer engemaw zatin an tawiawm a ni.
Kolasib-ah hian IHSDP hnuaiah mi 300 tan in sak sakna tur ruahmanna siam a ni a. Tunah hian chhungkaw 205 tan sum a thawhkhatna atan central sorkar chuan a rawn pe tawh a. Chhungkaw 100 hnenah 1st Instalment atan Rs. 60,000/- pekchhuah a lo ni tawh a. June 2 khan a ti tha zual chhungkaw 18 hnenah 2nd Instalment Rs. 60,000/- pek a ni leh tawh bawk. Chhungkaw khat zelin a vaiin Rs. 1,64,900/- dawng tura scheme hi ruahman a ni. UD & PA duh dan chuan in hi 42 sq. ft. aia te lo tur a ni a. 1st Instalment hmang hian a bang leh a chung a pum ngei tur a ni tih a ni bawk. Insakna sumte hi Bank-ah dah sak an ni a, an veng awmna V/C ten an hnathawh an endik atangin sum hi pekchhuah chauh an ni. Department chuan in sakna bungrua a tul angin a ngaihtuah sak bawk a, hei hi an sum dawn total atanga ziahfel leh tur a ni.
Pu Zodintluanga hi Kolasib District Road Transport Union te pawhin lo hmu in Kolasib khawchhung kawng siamtu tur NBCC hna tha lo an tih thu leh muang lutuka an hriat thu an thlen a. Khaw chhung kawng Project Kudam panna kawng chhe lutuk chu Minister hian a tlawh nghal a. Hetah hian NBCC hnathawkte pawh an telin, thil awmdan an sawiho hnuah Minister chuan DC Kolasib chu Town Road Coordination Committee ko thuai turin leh chutah chuan kawng siam tura an hmalakna kimchang inhrilh tawn a, inhriat chian loh thilte tih fiah vek ni se, an Committee thuchhuak chu amah Minister pawh pe ve turin a hrilh a ni. Minister chuan NBCC hnuaia Contractor pakhat JR Construction Company chu ban (terminate) tura Delhi a thlen mek anih thu pawh a sawi a ni.
Vawiin vek tlai lam khan Sports changtu nibawk Minister Pu Zodintluanga chuan Kolasib Saidan a Regional Training Centre dinna hmun tur tlawhin hmathar lak dan tur departmenmt hotute nen an rel a. He Centre hi NEC in a sakna tur cheng nuai 495 a rawn pek tawh a niin Sports Discipline hrang hrangah training theih tur a ni. Centrally Sponsored Scheme atangin Kolasib-ah hian Diakkawn, Venglai, Tumpui leh Saidan field te, Hmarveng Indoor Stadium, Basket leh Volley Ball Court te a lo siam tawh a. La puitling lo te pawh tih puitlin thuaina turin Mizoram State Sports Council chuan sum a nei tawh a ni. Pu Lianzuala, Secretary, MSSC chuan Kolasib hi District malkhaia Sports lama hmalakna nasa ber a ni tiin hei hi Kolasib infiammi thalaite tan chona nasa tak a ni a ti.
Minister hi Pu P. Lianhrima, Secretary, UD & PA; Pu P. Lalchhuanga, Director, UD & PA; Pu Lianzuala, Secretary, MSSC leh UD & PA atanga officer engemaw zatin an tawiawm a ni.
