Vawiin chawhma khan Tourist Lodge, Chaltlang ah State Level Orientation & Workshop on Prime Minister Rashtriya Swasthya Suraksa Mission neih a ni a Health & Family Welfare Department Principal Director Dr.F.Lallianhlira, chuan a kaihruai a,Pu.Lalrinliana Fanai, IAS, Commissioner & Secretary, Health & Family Welfare chu khuallian a ni.
Dr.Biakthansangi, Chief Executive Officer, Mizoram Health Care chuan Workshop neih chhan leh a awmzia hrilhfiahna power point hmangin a nei a. PM-RSSM hi Central atanga scheme thar duan a ni a, tuna Mizoram sawrkarin a hmanlai mek RSBY thlakna tura duan chhuah a ni. He scheme thar hnuaiah hian chhungkua pakhatin Rs.5,00,000/- (Nuai nga) thleng damdawi in a an inenkawlna senso an bill thei tawh dawn a ni.
He scheme hi Sawrkai laipui chuan 15th August,2018 hian tlangzarh a tum a, chumi hnu ah hman theih nghal tura ruahmanna kalpui mek a ni. Mizoram ah chuan Mizoram Health Care Society, Department of Health & Family Welfare in a enkawl hna an kengkawh dawn a ni.
He hunah hian Mizoram District hrang hrang atangin Deputy Commissioner, Chief Medical Officer, Block Development Officer, Medical Officer leh District Coordinator te an kalkhawm a, he scheme in a tum leh a huam chinte, hamthatna awm thei leh bul tanna atana pawimawh te zirchianna leh a bawhzui dan tur in zirtirna neih a ni.
