Department of Information & Public Relation leh Mizoram Art Development Society (MADS) buatsaih “State Level On The Spot Painting Competition” chu vawiin khan Synod Conference Centre, Mission Veng-ah neih a ni a, Pu Lalkhama, IAS(Rtd) Mizoram State Planning Board Vice Chairman-in lawmman semin a hmanpui.
Khuallian chuan painting chu mi ril, ngaihtuahna seng peih leh thil mawi ngaina mi te tan chauh a tih theih a nih thu sawiin, vawiin a naupang tam tak an lo kal khawm chu lawmawm a tih thu a sawi a. Hnam changkang leh fing apiangin Art an ngaihsan thu sawiin, Art ti hmasawn tura a buatsaihtu te hmalakna fakawm a tih thu a sawi bawk. Hnam ziarang phochhuak thei tur ziah lama tang tur leh naupangte chu mizoram hmel timawitu an ni thei tih sawiin, sual tinreng laka insuma invawngturina chah a ni.
He painting competition-ah hian district hrang hrang atang naupang 145 an tel a. Naupangte hi category thum (3): kum 6-9, kum 10-13, kum 14-17; a then niin, oil leh water colour hmang a inelna hi neih a ni.
Chawhma lamah inelna neih a ni a, chawhnu lamah lawmman sem nghal a ni. Lawmman sem inkhawm hi Pu Laltanpuia, President, MADS in kaihruai a. DIPR Director, Pu Jim K. Chozah pawn he hun hi hmanpuiin, he hun ti hlawhtling tura naupang thahnem tak an lo tel chu lawmawm a tih thu a sawiin, naupangte chu an talent tipung zelturina chah bawk. Mizo ziarang pholang theitu Art chawikan nan theihtawp chhuah a nih zel tur thu sawiin, chu mi kawngah he competition hian rah tha tak a chhuah ngei a beisei thu a sawi bawk.
Category hrang hrang a lawmman dawngtu te chu:
I. Kum 6-9 (In leh Pangpar)
1.Vanlaldika, Jehova Jire English School, Lawngtlai
2. Lalpekhlui Sailo, Home Mission School
3. Mesak Lalruatpuia, Home Mission School
II. Kum 10-13 (Mizoram Scenary)
1. Lalawmpuia, CMS School Serchhip
2. H.Lalchhandama,Home Mission School
3. Lalrinmawii, DInthar Child Development Centre
III. Kum 14-17 (Ramngaw leh Nungcha)
1. Lalremruata, Southern School.
2. Sarah Lalramsangi, Gospel Centenary School, MissionVeng
3. K.C.Lalrinawmi, St.Pauls HSS.
Consolation Prize mi 30 in an dawng a ni.
He competition a tel zawng zawng te hi participation prize pek theuh an ni bawk.
