August ni 19,2009 (Nilaini) hian Health Directorate Conference Hall-ah RCH leh NRHM hnuaia hnathawh dan State Level Quarterly Review Meeting neih a ni a, Dr.N.Pallai, Director of Health Services chuan a hmanpui.
He Review Meeting hi Dr.Vanlalhruaii, Dy.Director (RCH) chuan a kaihhruai a, District tin atangin CMO leh MO te an kal kim hle a ni.
He hun hmanpuitu Dr.N.Pallai, Director of Health Services chuan RCH leh NRHM kalpui mek dan chu tha thawkhat hle mahse siamthat ngai lai tam tak awm nia a hriat thu tarlangin, CMO leh MO te chuan an hnuaia hnathawktute chu an hna theuh thiam tak leh phur taka an thawhtheihna tura enkawl leh fuih thiam a tul zia thu sawiin, CMO te pawhin an bial theuh taima taka fang thin tur leh damdawiin te chu zahawm leh fai taka enkawl a, damdawi hman tangkai loh tur kawl teuh teuh thin te chu ching lo turin a chah bawk a ni. Dr.N.Pallai chuan CMO te hnenah chuan mahni bial mipui hriat thiam leh zawm thiam theihna tura zirtirna kalpui tur leh mahni khua theuha chanchinbu awm te chu hriselna lam atana hmang tangkai theuh turin a fuih bawk a ni.
Hemi hnu hian Dr. Lalkailiani, Jt.Director (M) chuan Malaria lama hmalak zel dan tur leh hriattir pawimawhte tarlangin, Malaria tamna bialah chuan in tinah thosilen pahnih theuh sem anih thu te, chungte chu endik anih tur thu leh tunah hian thosilen 1,40,000 (Nuaikhat leh singli) zet lei leh tura ruahmanna kalpui mek anih thu a tarlang bawk.
Hemi hnu hian NRHM leh IMEP chungchanga intuaitharlehna hun an hmang zui nghal a, kalkhawmten an hlawkpui hle a ni.
He hun hmanpuitu Dr.N.Pallai, Director of Health Services chuan RCH leh NRHM kalpui mek dan chu tha thawkhat hle mahse siamthat ngai lai tam tak awm nia a hriat thu tarlangin, CMO leh MO te chuan an hnuaia hnathawktute chu an hna theuh thiam tak leh phur taka an thawhtheihna tura enkawl leh fuih thiam a tul zia thu sawiin, CMO te pawhin an bial theuh taima taka fang thin tur leh damdawiin te chu zahawm leh fai taka enkawl a, damdawi hman tangkai loh tur kawl teuh teuh thin te chu ching lo turin a chah bawk a ni. Dr.N.Pallai chuan CMO te hnenah chuan mahni bial mipui hriat thiam leh zawm thiam theihna tura zirtirna kalpui tur leh mahni khua theuha chanchinbu awm te chu hriselna lam atana hmang tangkai theuh turin a fuih bawk a ni.
Hemi hnu hian Dr. Lalkailiani, Jt.Director (M) chuan Malaria lama hmalak zel dan tur leh hriattir pawimawhte tarlangin, Malaria tamna bialah chuan in tinah thosilen pahnih theuh sem anih thu te, chungte chu endik anih tur thu leh tunah hian thosilen 1,40,000 (Nuaikhat leh singli) zet lei leh tura ruahmanna kalpui mek anih thu a tarlang bawk.
Hemi hnu hian NRHM leh IMEP chungchanga intuaitharlehna hun an hmang zui nghal a, kalkhawmten an hlawkpui hle a ni.
