Vawiin khan Chief Secretary Committee Room-ah Rastriya Khrishi Vikas Yojana (RKVY) hnuaia State Level Sanctioning Committee (SLSC) meeting neih a ni.

Pi. L.Tochhong, Chief Secretary-cum-Chairman, SLSC RKVY in he meeting hi kaihruai a. Government of India atangin Dr. Surinder Singh, Adviser (Agriculture), Planning Commission, Government of India leh Shri. O.P.Mishra, Deputy Director General (Fisheries), Department of Animal Husbandry, Dairying and Fisheries, Ministry of Agriculture te an tel bawk.

Kum 2013-2014 chhunga RKVY Scheme (Normal) hnuaia Agriculture (Crop Husbandry), Agriculture (R&E), Sericulture, Horticulture, Fisheries, Soil & Water Conservation Department leh AH & Vety ten Project Proposal hrang hrang an siam te pawm sak (approved) a ni. Heng Project ruahmanna hrang hrang hi cheng vaibelchhia 5.40 hu a siam an ni. Department thenkhat te chu a tul anga an project te siam tha tura hriattir an ni bawk.

Kum 2013-14 chhung hian RKVY Scheme hnuaiah cheng vaibelchhia 132.01 hmuh beisei a ni a, tun tuma SLSC in RKVY project a approved hi Additional allocation cheng vaibelchhia 7.20 a ni. He sum hi Agriculture leh a kaihhnawih Department ten Mizoram hmasawnna tur hna hrang hrang thawhna atan an hman tur a ni.

He meeting-ah hian SLSC Member te an kalkim hle.