Vawiin khan I&PR Auditorium-ah Mizoram Science, Technology & Innovation Council (MISTIC) leh Vigyan Prasar, Department of Science & Technology, New Delhi tangkawp chuan Mizoram State Level Sci-Connect Quiz an buatsaih.

He Quiz a tel tur hian Mizoram hmun hrang hrangah kumin March ni 31 khan written test buatsaih a ni a, he written test a titha zual school-te chu St. Paul’s HSS, Kendriya Vidyalaya- Thuampui, Ferrando School, Faith Academy, St. Jame’s, JNV Khawzawl leh JNV Thenzawl an ni a; written test atang hian a titha zual mi 15 thlanchhuah te chu team hrang hrangah inthen in State Level Quiz-ah hian an inel leh a, a titha ber team in North-East pum huap inelnaah Mizoram ai an awh dawn a ni.

Vawiin Quiz competition-a titha ber team te chu – St. Pauls HSS atangin PC Lalchhuanawma, Lalthlamuani leh Lalremsiama Darchhun te an ni a, an ni hian Mizoram ai an awh dawn a, lawmman hi Dr RK Lallianthanga, Chief Scientific Officer, Directorate of Science & Technology in a sem nghal a ni.

Vigyan Prasar atanga scientist lo kal ten June ni 20 leh 21, 2017 khan School naupang thlanchhuah bik te Sci-connect Workshop neihpuiin Science subject hrang hrangah experiment hmuhnawm tak tak entirin “hands-on workshop” an lo neihpui tawh a ni.